2021-06-29 EGURALDIA/JOXE LANDA

Gaur berriz ere galdu egingo du onaren mailak haizea ipar mendebaldetik dezente mugituaz. Lainotzarrak arrastaka zer edo zer bota nahian. Euri gutxi baina giro umela mantenduko da eta tenperaturak ere zertxobait galduko duenez, apur bat mikaztuko da giroa. Beraz, grazia gutxiko eguraldia eta pixka bat amorragarria ere bai garaia kontuan izan ezkero. Ea hurrengo egunetan poliki-poliki nabarmenago hobetzea lortzen duen udararen sentsazioa nabaritu dezagun.