San Telmo museoko lagunak izan ditugu gaurkoan. Museoan dituzten proiektuez aritu zaizkigu.

Luistxo Fernandez izan da gaur ere gurean.

Aste honetan aspaldiko lagunekin pasatuko dugu ordu betea, Santos Beloki Hitz edo irri euskaraz elkarri elkartekoa eta Zeles Goitia Segurako liburutegiko arduraduna. Berarekin, besteak beste, gazteen irakurzaletasuna bultzatzea xede duen booktuberboom Galtzagorri elkartearen proiektua aipatuko dugu Maddi Orcajo bide lagun hartuta.

Nafarroara ere joko dugu bi gai jorratzeko asmoarekin:

-Errigorak antolatutako Agerraldia egitasmoaz arituko gara Ibai Sueskunekin eta

– Igandean egingo denNafarroa Oinezi buruzko azken ordukoak Maru Eriz koordinatzaileak emango dizkigu.

Euskarari buruzko aholkuak emanez Gabino Muruaren ekarpena ere bai.

Bagera elkarteak mintzalaguna egitasmoaren kanpaina martxan jarri berria du. Xehetasun guztiak Aitziber Gurutzeagak aipatu dizkigu

Beatriz Antelo Beasaindarrak, liburu berri bat argitaratu berri du. Maternidad real. Haur bat izan nahi den unetik izateraiñoko fase guztiak kontatzen dizkigu Beatrizek.

Basherri sareko Ioana Iñiguezek azaldu digu, martxan jarri berri duten erakusketa ibiltaria. Bertan,  elikaduraren azken 100 urteotako bilakaera eta arrazoiak,
agroindustriaren kalteak,  kontsumo taldeak alternatiba gisa, hauen
historia eta Basherri Sarearen nolakotasuna agertzen dituzte.

Gripearen aurkako kanpaina martxan jarri zen atzo. Ordiziko anbulategiko erizaina den Sebas Gartziarena erizain buruak, kanpainaren nondik norakoak azaldu dizkigu.

Igartubeiti Museoan Sar astea ospatzen ari dira. Xehetasun guztiak kontatu dizkigute bertakoak.

Hemenda, urriaren 19an Segurako 43. dantza txapelketa eta IV. dantza eguna. Egun osorako egitaraua prestatu dute eta berrikuntza asko izango ditu aurtengo edizioak. Izarra Urdaileta alkateak eta Josune Arrondo kultur teknikariak azaldu dizkigute xehetasun guztiak.

Eli Garmendia Tolosarra, herriz herri dabil bere furgonetarekin , herritarrei erretratoak egiten.