Goi Osasun Lab proiektua gertutik ezagutzen ari gara, gaurkoan Zaldibian izan gara Nerea Amenabarrekin batera. Nerea Amenabarren eskutik azken datuak ezagutu ditugu, eta gonbidatu berezi bat izan da guren ere Eztitxu Mujika, Zaldibiako Alkatea.

Euskal Herriko Ahotsak gunea ere hizpide Izaskun Gastonekin Ahotsak ikasgelan ataleko Kantu eta jolasak aurkeztu dizkigu

Uxue Alberdi idazle eta bertsolaria izan da gurekin, kontu kontari: Dendaostekoa bere azken liburua eta abar.

Segurako LAIOTZ herri eskolako haurrak etorri zaizkigu gaur, Eki eta Eñaut. Laureano Telleriak utzitako bi objetu zertarako erabiltzen ziren asmatzea izan dute erronka.

EUREKA ZIENTZIA MUSEOKO Larraitzek Kapsaizina molekula pikantearen ingurukoak kontatu dizkigu.

Segurako gazte talde bat elkartu eta GALERNA muika taldea sortu berri dute. Iñigo Etxenikeren Musikazblai saioan izan ziren atzo eta akustikoan kontzertu bat ere eskeini ziguten.

Goiz partean epel eta dotore hodei gutxi batzurekin eta arratsaldean erabat oskarbi eguzkia bistan dela. Hego haize leunak lagunduta asko irabaziko du onaren mailak. Beraz, zeharo eguraldi ona antizikloiaren isobarak jita onean direla eta haizearen hego ukituak kostaldea goxoago mantenduaz.

Izarra Urdaileta Segurako alkatea izan da gurean. Martxoko egitaraua aurkeztu digu, aurrekontuen inguruan ere aritu zaigu eta aurrera begira dituzten proiektuen inguruan aritu zaigu besteak beste.

LARSABI ELKARTEAN, Amaren esnez soilik hazitako latxa arkumea baserrian, etxean, naturalki jaio eta hazten dute. Kalitate goreneko arkumea ekoitziz. Orain, arkume garaia denez, pack ezberdinak prestatu dituzte zuen etxean arkumerik onenaz gozatzeko.

Gaur asko irabaziko du onaren mailak hego haizea leunago ibiliko delarik. Zeru sabaia garbiago eta ateria seguru dela, udaberri giroa nabarmenduko da dotorezi polita eta goxotasun atseginarekin. Antizikloiaren isobarak jita onean direla, eguraldiaren elementuak bikain portatuko dira. Oso eguraldia ona batez ere ipar partean hego haize leunaren efektu bereziarekin. Bihar gaur baino hobea tenperatura gorago dela giro goxo eta atsegina bermatuaz.