Gaur gehiago nabarmenduko da hobetzeko joera goizeko laino maskalak desagertu era arratsaldean erabat garbi egongo delarik lurralde guztian. Lehenbizi kostaldean garbituko da eta pixka bat barnealdeago temati mantenduko dira laino narrasak baina lurralde guztia garbi geratuko da hurrengo egunetarako. Tenperaturaren igoera berriz barnealdeetan kostaldean baino gehiago nabarituko da. Dotoreziak eta epeltasunak dezente irabaziko dute udararen santsuekin.

BIHAR UZTILAK 16,  Itsas Salbamendu Humanitarioa SMH elkartearen aldeko elkartasun kontzertua egingo dute. Mikel San Sebastian elkarteko kidea izan dugu goizerokoan beren jardueren berri eman eta kontzertuaren ingurukoak azaltzen.

Sustatuko lUistxo Fernandezek Egunean behin finalaren inguruko xehetasunak eman dizkigu. Izan ere EITBk Biba Zuek programan zuzenean eskeiniko du finala.

Gaur atzoko bideari eutsita, egun goibela izango dugu, batez ere goiz partean. Arratsaldean ostarte batzuk agertuko dira zeru sabaian.

Etxalar Escape Room ihes-jokoetan oinarritutako jarduera soziokultural bat da. Jokoan zehar, pertsona talde batek 60 minutu izango ditu gai baten inguruan prestatutako leku batetik ihes egiteko. Kasu honetan Etxalar ezagun egin duten kontrabandisten eta usategietako kontuak ezagutzera eramango gaitu. Itsaso Elizagoienek eman dizkigu xehetasunak

Lainoak arrastaka eta goiko hodeiak parean direla, goibel mantenduko da gaur egun guztian eta goiz partean euri pixka bat bota ere bai. Arratsaldean ipar mendebaldeko haize petralarekin, ateri baina goibel eta zikin grazia gutxiko eguraldia izanez, giro aspergarriarekin. Oraindik kaskarkeriak jarraitu egingo du.

‘Erradikalak ginen, gara eta izango gara’. Ane Labaka bertsolariak eta Beatriz Egizabal antzerkilari eta ipuin kontalariak ‘Neska gazte promesa’ etiketaz, zahartzeaz, gorputzaren aldaketez, sexualitateaz, merkatu patriarkalaz, intersekzionalitateaz, beldurraz, biolentziaz eta zeharkatzen gaituzten beste hainbat gaiez kantatu eta kontatu nahi dute. Feminismoa zeharlerrotzat hartuta eta umorez. Umorez, beraz, serio. Gaur Seguran izango dira.

Segurako alkate Izarra Urdailletak, udako agendako ekintzak aipatzeaz gain, udan zehar Seguran egingo dituzten konponketa lanen berri ere eman digu.

Atzo hartutako tankerari eutsiko dio bete-betean petralkeria eta lardaskeria mantenduaz. Tenperatura beheraka eta ipar-mendebaldeko haizea mugituaz, asko mikaztuko da giroa lurralde guztian. Hegoaldean ere asko mikaztuko da ibai haizea mugitu eta tenperatura asko jaitsiaz. Bihar ere gaurko tankerari eutsiko dio lardaskeria eta petralkeria mantenduaz, baina on aldi bikaina martxan astebururako. Ea hobekuntza horrek garaiari dagokion maila harrapatzen duen.

Erabat aldatuko da eguraldiaren izaera ipar mendebaldeko eraso batek harrapatuta, ipar partea gaztigatuko duelarik giroa galanki petralduaz. Tenperatura asko jaitsi eta lainotzarrak arrastaka euri lardatsa dariela, galanki mikaztuko du giroa egun batzuetarako lardaskeria honek. Ez digu bat ere graziarik egingo aldaketa petral honek, garaiko tankera galanki zapuztuaz. Barnealdeetan kostaldean baino gehiago nabarmenduko da aldaketa hau.