Ikusi Mikusi “Lehen haur eta gazte literatura azoka” aurkezteko Amaia Hennebutte gurekin

Alkoholikos anonimoseko milaren testigantza jaso dugu, baita elkartearen 86. urteurrenaren ingurkoak aipatu dizkigu.

Zuhaitz Gurrutxaga , FutbolisTOK, bere bakarkako bigarren lana

aurkeztera datorkigu Segurara, bihar arratsaldean. Ikuskizun honetan, Futbolisto baten Konfidentziak, bere lehen bakarrizketako hainbat pasarte berreskuratzeaz gain, azken 2 hamarkadetan, goi mailako futbolean, umoregintzan, telebistan, antzerkian nahiz musika munduan bizi izan dituen beste hainbat esperientziataz ere arituko da.

Hego haizearen ufada batek asko igoko du tenperatura eta bero galanta izango dugu lurralde guztian. Bero hodeiak agertu eta ekaitzak garatuko dira barnealdeko mendi guneetan baina kostaldea salbu eki haize leunak babestua.

EKIMENA PSIKOPEDAGOGIA zentrutik, Idoia Apaolazak, familia eta eskola arteko harremanak duten garrantziaz eta hauek hobetzeko pausuak eman dizkigu.

GOITURreko Niko Osinaldek udara begira turismoaren sektorean izango diren aurreikuspenak aipatu dizkigu.

Beste behin Gorka Lizaso abeslariak harrituta utzi gaitu, guk hitzak eman eta sortu duen abesti ederrarekin. Gaurko abestirako hitzak hauexek: indarkeria/aski da, jarrera aldaketa eta udaberriko hondartza beteak.

Atzoko tankera mantenduko du eguraldiak, tenperatura goian dela. Eguzkia bistan hodei bakan batzurekin. Udaberri giro bikaina, kostaldean goxo eta hegoaldean berotzar galanta ekialdetiko haize leunarekin. Bero hodeiak agertuko dira mendi aldeetan baina kostaldea salbu mehatxua sumatu arren. Beraz, tenperatura gaur ere goian, zeru sabaia garbi samar eta eguratsa garden gandu pixka batekin.

ZUALBE ongizate emozionalerako zentruko Beñat Alustizarekin ikasturteko azken saioa egin dugu. Ikasturteko errepasoa egiteaz gain, “bidelaguntzako”puntu garrantzitsuenak bildu ditu.

Gaur haizearen ipar ukitu apur batek zertxobait behera eragingo dio tenperaturari kostaldean baina oso gutxi izango da hori eta goizean sortuko diren behe laino horiek segituan deseginaz, garbi geratuko da eguratsa eguzkia goiz hasiko delarik lanean. Horrela beroa nabarmenduko da kostaldean ere eta barnealdeagoetan tenperatura oso goian, beroaren sentsazioa asko nabarmenduaz. Barnealdeetako mendi guneetan ekaitzak garatu daitezke, zaparrada mardulak botaz.