Bueltan da Zegama-Aizkorri mendi lasterketa birtualaren 2. edizioa. Aurten berrikuntzekin dator.Egunean 50 dortsalekin, proba uztailaren 1etik irailaren 30era egingo da. Edizio honetan parte hartzaileek Open Trail Races aplikazioaren bidez osatu ahal izango dute proba eta sailkapen ofizialean sartu ahal izango dira. Zegama- Aizkorriren ibilbidea osorik edo lau segmentutan egin ahal izango da.Xehetasunak Maialen Arizkorretak eman dizkigu.

EuskarAbentura elkartea, besteak beste, gazteen euskararen erabileran eragiteko asmoz sortu zen eta etenaldi baten ostean 2021. edizioa martxan da. Bertako koordinatzailea den Ane De La Presarekin hitz egin dugu.

Astelehenero bezala, Goierriko Hitzako Iñaki Gurrutxagarekin asteaz zehar izango dituzten edukien berri izan dugu.

Gaur ere, grazia gutxiko eguraldia izango dugu atzokotik zertxobait irabaziko duen arren. Sartaldetik joko duen zehar haizeak pixka bat mugituaz, laino baxuak barreiatuko ditu. Tenperatura igo ezinean dela, garaiari dagokiona harrapatzeko dezente faltako du dotoreziak eta giroaren goxotasunari eutsi ezinen dela, mikatz puntua mantenduko du elementuak modu onean jarri ezinean direla. Beraz, ateri samar baina lainotzarrak arrastaka eta tenperatura igo ezinean. 

Amaia Gartzian zinema eta telesailen estreinaldiak aipatu dizkigu.

Oosa sukaldaritzako Vanessa Blazquezek Oianguko Txiringitoaren ardura beraien esku geratuko dela aurtengo udan eta bertako funtzionamenduaren ingurukoak kontatu dizkigu.

Gaur zeharo eguraldi ona, elementuak modu onean direla. Haize suabea aldakor, goizean hego ukituarekin eta arratsaldean ipar ekialdetik. Hodei bakan batzuk zeru sabaian eta arratsaldean erabat oskarbi eguzkiari lan lekua utziaz. Bazterrak ederki goxatuko ditu sasoiko dagoen eguzki mardul horrek. Eguratsaren hezetasuna modu onean dela, garden sumatuko dugu dotorezia areagotuaz. Penintsulan aurkituko den antizikloiaren efektua izango da giro bikain hau.

Abian da Segurako udalak atera duen “udan gozatu kultura” agenda kulturala. Herritar guztiei bideratutako agenda zabala. Udaleko kultur teknikari Josune Arondo eta kultur zinegotzia Egoitz Apaolaza izan ditugu estudioan.

Sustatuko Luistxo Fernandezek,  EAEn Covid ziurtagiria nola lortu izenpe elektronikorik gabe azaldu digu.

San Juan goizak  giro euritsu eta goibela ekarriko digu. Arratsaldean piskanaka atertzeko joera hartuko du eguraldiak.