Atzo hartutako tankerari eutsiko dio. Hego haizea nora ezean geldi baina ipar ukitua nabarituko zaiolarik eta zeru sabaia estaliago hodei mota guztiekin, ateriari eutsi ezinean. Tenperatura beherantz abiatuaz eguraldiaren on maila galeran sumatuko dugu baina oraindik on mailari dezente eutsiaz.

Amesgile argitaletxeko Betzaida Urtaza izan da gurean, dituen proiektu berrien berri emateko.

Segurako udaleko kultur teknikaria den Josune Arrondo izan da estudioan, ikasturte berrirako prestatu dituzten ikastaroen berri emateko eta baita urriaren 16an ospatuko den 45. Euskal Herriko dantza txapelketa aurkezteko ere.

Hego haizea pixka bat mugituko da gaur eta tenperatura apur bat jaitsi ere bai baina maila egokian mantenduaz, giro goxoa haize guneetan izan ezik. Zeru sabaia estalia hodeiak konkortzeko joerarekin, ekaitzak garatuaz zaparrada trumoitsuak barreiatuaz. Horixe izango da egun batzuetan mantenduko den joera eta azkenean freskatu eta narrastu haizea iparretik jarrita. Beraz, giro nahasia astean zehar freskatzeko joera ere nabarmenduko zaiolarik.

Eneko Goiburu (Ondarre Gaztaindegia) txapelduna izan dugu estudioan gaur goizean eta Ordiziko gazta lehiaketaren eta jaso duen sariaren ingurukoak ekarri dizkigu.

Naiara Agirrek ‘Txokosfera’ jarri du martxan, bere herrian, Leitzan. Txokolatea protagonista duen txokoa da. Berezitasunen artean txokolatezko esfera pertsonalizatuak egiten ditu .

Gaur ere bikain portatuko da eguraldia, tenperatura atzo baino pixka bat gorago dela. Hodei batzuk zeru sabaian baina euri arriskurik bat ere gabe. Haizeak hego ukitua baina suabe ibiliko denez, goxo mantenduko da giroa elementuak modu onean direla. Eguratsa garden hezetasun gutxirekin eta zeru sabaiko hodei sare horiek ez dute bat ere trabarik egingo eta bikain portatuko da eguraldia baina euri bolada ate joka. Gaur gauean hasi eta hurrengo egunetan jarraitu.

Atzokoaren tankerari eutsiko dio gaur ere, tenperatura eta beste elementuak berdintsu direla. Giro goxoa baina eguratsa eta zeru sabaia zikin samar direla, dotoreziak apur bat galduko du baina ona deitzeko moduan mantenduaz, ederki eutsiko dio uda giroari, bihar gaur baino hobea izango delarik. Zikin antzean baina goxo elementu batzuk modu onean direla. Epel puntu goxoa eta ipar haizea oso suabe direla, bikain portatuko da batez ere hurrengo egunetan.  

Musika, bertsoak eta poesia uztartzen dituen ‘Amerri’ ikuskizuna egingo dute Ordizian, gaur ostirala, arratsaldeko 19.00etan herri antzokian Andoni Salamero olerkariak, Andoni Egaña bertsolariak eta Mixel Ducau eta Caroline Phillips musikariek.

Josu Araiztegik, Gipuzkoako modelismo estatiko elkarteko lehendakariak, azaldu digu, tailer erakusketa antolatu dutela Segurako kultur etxean asteburu honetarako.