Igandean, azaroak 21, Gabiriako Errezil  Sagar eta baserriko produktuen azoka ospatuko da. Gabino Muruak egitarauaren berri eman digu.

Literaturak hartu du gaina Gaurko Bixi bixin. Iruña Hiria saria jaso duen Lazkaoko Lierni Azkargortak Eripoemia aurkeztuko digu, Nafar ateneoko Ines Castiellarekin sariari buruz arituko gara. Zeles Goitia Segurako liburutegiko arduraduna lagun.

 Zertxobait aldatuko da gaur eguraldiaren martxa antizikloiaren isobarak apur bat mugituaz, elementuak modu hobean jarriko direlarik. Haizea ipar ekialdetik suabeago eta lainoak sareago, ostarte batzurekin, giro alaiagoa behintzat bai tenperatura gutxi igoko den arren.

Ekimena Psikopedagogiko Idoia Apaolazak Haurtzaroko zauriez aritu zaigu.

Sin Mala Intencion taldeko Gorka Lizasok beste behin guk proposatutako lau hitz hauekin; movember, Glasgow,Cumbre vieja eta Pablo Casado, ETA EZ DA GUTXI kantua sortu du.

Amesgile argitaletxeko Betzaida Urtazak, haurrentzako kaleratu berri duen”MALEN ETA ITSAS IZARRA” liburuaren aurkezpena egin digu

Berdintsu mantenduko da eguraldiaren izaera giro kaskar eta petralarekin. Haizea iparretik pixka bat mugituaz, galanki mikaztuko du giroa tenperaturak beherako joera mantenduko duelarik. Euria gehien ipar partean botako du. Hegoaldean ere zipriztin batzuk bai zerua estali samarra dela eta ipar haizea zakar dabilela, giroa mikatz eta desatsegina hor ere. Beraz, oro har egun hauetan makur portatuko da eguraldia elementuak modu txarrean direla.

Marisa Barrena wikilariak gaurko egunez jaiotako bi emakume naparren aipamena egin digu eta baita atzoko egunez zendu ziren eta nahiz eta itzalpean egon, lan haundia egin zuten beste bi emakume aipatu dizkigu.

Gaur ere atzoko tankerari eutsiko dio elementuak modu txarrean direla, giroaren mikatz puntua areagotuaz. Haizea jita berdintsuan baina tenperatura zertxobait beherago dela, txartze alderako joera sumatuko zaio eguraldiari negu tankerarekin. Ipar haize petral horrekin ipar partea gaztigatuko du baina Euskal Herriaren hegoaldea ipar haizeak gaztigatuko du gehien hor biziago eta temati mugituko delarik. Gainera egun batzuetan berdintsu iraungo du eraso honek giro amorragarria mantenduaz.

Olentzero eta Mari Domingi Aizpean izango dira abenduaren 18 eta 19an. Zeraingo Turismo Bulegoko Illazkik informazio guztia eman digu.