Sin Mala Intención Taldeko Gorka Lizasok beste behin guk proposatutako lau hitzekin abesti bat idatzi digu. Gaurko lau hitzak hauek izan dira: Abendua, Durangoko Azoka, Birusaren aldaera berriak/ziurtagiriak eta Euskeraren Nazioarteko Eguna.

Zumarragako Jai – Alai kaleko 11ean aurkitzen den Essenzia Konfort da gure “Asteko Saltokia”. Maider Gomezek kontatu digu bertan sofak, koltxoiak, osagarriak eta askoz gehiago aurkituko ditugula eta momentu honetan dituzten eskaintzak ezagutu ditugu.

On alditxo polita eta goxoa gaur eguraldiak, isobaren jita modu onean kokatuta. Haize leunaren hego ukituak lainoak saretu eta tenperaturari apur bat gorantz eragingo dio eta eguzkiaren agerralditxoekin asko alaitu eta goxatuko  da giroa. Gaur behintzat txalo jotzeko modukoa, asko iraungo ez badu ere. Estimatuko dugu egun batekoa izanda ere opari gisa kontsideratuaz. Bihar goiz partea ere onetik baina arratsaldean kaskartu irauteko tankerarekin.

Marisa Barrena wikilariak gaurko saioan, Francisca Sarasate (nafar idazlea), Petra Kelly (alemaniar feminista, bakezale eta aktibista), Ana Ruiz Mitxelena (Gipuzkoar futbolaria) eta Xole Erbiti Arbilla (nafar irakasle eta euskara sustatzailea) aurzketu dizkigu.

Urdaibai Bird Center-eko Edorta Unamuno Biologo Teknikariarekin, hegaztiei buruzko tarte berria estreinatu dugu; hilabetean behin hegaztien buruzko migrazio, datu bitxiak eta egunerokoa zein den ezagutuko dugu

GITBko Ainhoa Ibañezekin telebistan izango dituzten aste guztiko edukien errepasoa egin dugu.

Gogor eutsiko dio gaur ere txarkeriari goiz partean behintzat euria galanki botaz, tenperatura eta haizea modu txarrean direla. Arratsaldean hoberantz abiatuko da eguraldiaren elementuak modu hobean direla. Ipar haizea baretzen eta tenperatura gorantz abiatuaz, txarkeria makur hori atzean utzi eta lardaskeria dezente oraindik baina tankera hobea sumatuko zaio eguraldiari ondorengo egunetarako udazken tankera berreskuratuaz.

Hitzetik Ekintzetara pasatzeko deia eginez datorren 22. korrikaren inguruan hitz egin dugu Alizia Iribarren AEK-ko koordinatzaile nagusiarekin.

Gaurko estreinuen berri eman digu Amaia Gartziak. Bi pelikula eta telesail bat aurkeztu dizkigu; Encanto, La hija eta Cardo.

Eguraldiaren txarkeria areagotu egingo da, elementuak modu txarrean direla. Euria galanki txingorra ere tartean izan dezakeelarik eta mendi puntetan elurraren kota jaisten eta zaparrada trumoitsuak. Beraz, panorama makurra eguraldiak txar maila areagotuaz. Oro har asko botako du eta ipar haizea mugitu eta tenperatura jaisten direla asko mikaztuko da giroa egun hauetan. Euskal Herri guztia harrapatuko du eraso makur honek.