Joxe Landak tenperatura altuekin jarraituko dugula iragarri digu; eguraldian oro har aldaketa gutxi, hori bai, agian barnekaldean eta egunaren amaierarako, zaparrada gutxi batzuk espero direla ere aipatu digu.

Marisa Barrena maistra, psikopedagogoa, wikilaria, euskaltzalea, feminista ta Segura Irratiko kolaboratzaileak, lau emakumeen efemerideen ingurukoak aipatu dizkigu gaurkoan: Amaia Lasa (idazlea), Amancay Gaztañaga (musikaria, abeslaria, aktorea eta antzerki zuzendaria), Arrate Orueta (futbolari ohia eta medikua) eta Ane Labaka (bertsolaria, idazlea, gidoilaria eta genero ikuspegia txertatzen duen ikerlaria).

Gaurkoan Idurre Labaka medikuarekin izan gara. Erreskate lanetan aritzen da eta gertutik ezagutu dugu bere lana, honekin batera, mendira joaten garenerako gomendio batzuk eman dizkigu.

Abuztuaren 5etik 10era Berastegiko Festak ospatuko dira eta gurekin izan dugu Uxue Arzallus, Berastegiko Udalako Kultur Zinegotzia, programaren berri emateko.

Oiartzunen kokatuta dagoen Lur Garden Lorategia gertutik ezagutu dugu Iñigo Segurolaren eskutik.

Gaur dotorezia eta beroa irabazian. Tenperatura goraka eta ia erabat oskarbi Euskal Herri guztian, eguzkia bistan tenperatura xaxatzen dela. Ipar partean bero eta barnealdeetan beroegi mantenduaz uda giro nabarmena gehiegikeri horiekin. Gainera euriaren beharra asetzeko tankerarik gabe, bazterrak kiskaltzen astean zehar freskuraren oparitxoa ostegunean izan daitekeelarik. Abuztua, dagonila, bero zapa barne, euria komeni baina elementuak modu txarrean horretarako .

San Telmo Museoa -n Iratxe Jaio eta KLaas Van Gorkumen “Paperezko inperio baten atlasa” aurkeztu zuten uztailaren 28an Museo Bikoitza programaren barruan. Gaurkoan gurekin Iratxe Jaio izan dugu honen berri emateko

Beroa nabarmenduko da gaur oskarbia nagusi dela. Laino  maskal batzuk balantzaka sumatuko diren arren eguzkia bistan egongo da beroa xaxatuaz. Uda giro bikaina ipar partean baina beroegi hegoaldean bazterrak kiskaltzeko zorian direla. Beraz, beroa izango da protagonista egun batzuetan tenperatura goraka dela batez ere hegoaldean, gehiegizko mailan mantenduko delarik. Hurrengo egunetan pixka bat areagotuko da lurralde guztian baina nabarmenago hegoaldean.

Urdaibai Bird Centerreko  Edorta Unamunorekin izan gara. Gaurkoan Sai-zuria putreen familiako hegaztia aurkeztu digu.

Gaur gehiago nabarmenduko da euritarako joera gutxi botako badu ere. Ipar haizeak pixka bat mugituaz lainotzarrak arrastaka ekarriko ditu ipar partea dezente zikinduaz eta euri mehatxua bai baina gutxi botako  du dotoreziak galanki galduaz. Beraz, grazia gutxiko eguraldia euri mehatxu eta guzti baina premiak asetzeko ez da ezer izango, bihar berriz ere garbitze aldera joko duelarik. Asteburuan oso eguraldi ona elementuak modu onean direla.