Atzo abiatu zen eguraldiaren aldaketa asko nabarmenduko da gaur giroa petraldu eta narrastuaz. Tenperatura jaitsi eta lainotzarrak ugalduaz arrastaka direla, euri lardatsa barreiatuko dute giroa kaskar mantenduaz. Euri asko ez du egingo baina busti antza eta grazia gutxiko giroa bai, elementuak modu txarrean direla. Laino gehiegi arrastaka zerua erabat estalia mantenduaz, aurreko egunetako bero lamada eta garaiari dagokiona galanki zapuztuaz. Beraz, kaskarkeria amorragarria bazterrak asko bustiko ez baditu ere baina kanpoaren premiak berdintsu.

Urretxuko Santa Anastasia jaiak hemen dira, eta udaleko kultur zinegotzia den Maialen Fidalgok egitarauaren inguruko xehetasunak eman dizkigu.

SEgura, Idiazbal eta Zegamako mendui elkarteak eta Zeraingo Liztormendi eta Mutiloako Txerri Gorri kultur elkarteak antolatuta hemen da, bost herrien arteko VII. ibilaldia.

IBARRAKO XXII.AZOKA IRAILAREN18AN IZANGO DA. IXIAR ARRATIBEL HAUSPOA ELKARTEKO KIDEA IZAN DUGU AZOKAREN BERRI EMATEN.

Igande honetan ospatuko da beste urte batez Zeraingo azoka ekologikoa. Gurekin izan da Illazki Azaldegi Turismo bulegoko arduraduna.

Apur bat galduko du gaur eguraldi onaren mailak hego haizea mugitu eta hodeiak trinkotuaz. Goizean eta iluntzean tanta batzuk barreiatuko ditu baina gutxi izango da hori eta giroa kaskartu ere ez da asko egingo. Hurrengo egunetan ere badauka euri zaparrada potoloagoak barreiatzeko itxura. 

Bushcraft-a basoan, aire librean eta ingurugiroa kutsatu gabe, bizitzeko gaitasun eta ezagutza multzoa da. Egoitz Salsamendik, Basque Bushcraft Society-ko kideak elkartearen eta afizioaren beraren nondik norakoak kontatu dizkigu.

Hego haizea mugituaz hodeiak trinkotzen mantenduko dira. Iluntze aldera euri tanta batzuk barreiatuko ditu baina gutxi bota eta tenperatura gutxi jaitsiaz bero mantenduko da giroa. Kanpoak euri premian jarraituko du hurrengo egunetan ere tankera berdintsua mantenduko duelarik. Hala ere baditeke astean zehar euri gehiagoko boladak izatea. Ea bazterrak dezente bustitzen dituen baina ez da komeni asko hoztea ere.

Marisa Barrena Wikilariari esker, gaur Garbiñe Alustiza zeraindarra, Begoña Sopelana Iurretarra eta Eibarko raketista profesionala Maria Luisa Alberdi ezagutu ditugu.

Amesgile argitaletxeko Betzaida Urtazak bere azken eleberria aurkeztu digu ,KORAPILOAK izenekoa. Bizirik dauden sei istoriok osatzen dute eleberri hau. Liburua idazteko Maitane Ormazabal eta Xabin Fernandezen kolaborazioa izan du.