Urteko azken egunean, Amaia Garciarekin, 2021ean pantaila handian zein “txikian” estreinatu diren filma eta telesail onenen errepasoa egin dugu; urte oparoa izan da, bainan hainbat ekoizpen eta estreinu ere bertan behera geratu behar izan dira pandemia tarteko.
Entzun hemen zeintzuk idatzi behar dituzun zure gogokoenen zerrendan.

Gorka Hermosa, Urretxuko akordeoilari eta konposatzailearekin hitz egiteko aukera izan dugu gaurkoan. Azken orduan Jon Maia bertsolari, kantari eta idazlearen “Kantu bat gara” emankizuna bertan behera geratu behar izan da murrizketengatik; Gorkak guzti honek eragin duenaren inguruan hitz egin digu eta bestalde bere azken hilabete hauetan egindako bidai (Siberia, Txekia, Normandia…) ta eskeinitako kontzertuen errepasoa egin dugu berarekin.
2021 urte borobila izan du urretxuarrak eta datozen egunak lasai pasako ditu etxean urte berriari ongi etorria ematen dion bitartean. Entzun hemen berarekin eginiko solasaldia.

Gaur gurean, sortu berri duten Euskal Podcast Elkarteko Iñigo Sendinorekin izan gara.
Euskadin podcasten sorkuntza eta kontsumoa sustatzeko helburuarekin sorturikoa; Araban, Bizkaian eta Gipuzkoan podcastgintzaren inguruko zenbait ekitaldi antolatzen hasi ziren elkartearen sortzaileak, baina ekitaldiak antolatzea motz gelditu zitzaien, eta horregatik erabaki dute egitasmoa abian jartzea.
Podcasten kontsumoa eta sorkuntza sustatzeaz gain, sortzaile amateur eta profesionalei zuzenduta egongo da, baina baita kontsumitzaileei ere. Entzun hemen Iñigorekin eginiko solasaldia.

Antizikloiak penintsularen erdian kokaturik modu onean harrapatuko du lurralde hau eta Euskal Herrian bikain portatuko da eguraldia hego ukituko haize leunarekin. Zeru sabaia garbi samar eta eguratsa garden direla, giro goxo eta atsegina elementuak modu onean direlarik.

Bulego Taldeko  Itziar Beitia eta Jontxu Aperekin izan gara gaurkoan.
Abenduaren 26ean, Donostian, Tabakaleran 360º kontzertu berezi batean
taldeak “Erdian Oraina” lehen diskoa aurkeztu zuen.
Kontzertuan bizi izandakoen inguruan, plazaraturiko lehen diskaren nondik norakoak, bertan topatzen ditugun abestien ezaugarri ta esanahien eta orokorrean amaitzer dugun urtearen inguruan hitz egin dugu beraiekin.
Gogotsu eta indar biziz helduko dio Bulego taldeak 2022ari, eta Segura Irratira etortzeko eta zuzenean piza batzuk jotzeko gonbitea ere luzatu diegu. Entzun hemen beraiekin eginiko solasaldia.

Aste honetan ere bixi-bixi arituko gara. Santos Beloki eta Zeles Goitia ohiko lagunekin batera,Goierriko idazleak eta liburuak izango ditugu aipagai izan ere, asteburuan Goierriko liburu eta disko azokak izango baitira. Joxepa Madariaga antolatzailea batetik eta bestetik Lierni Azkargortak, Enara Garmendiak eta Oihana Iguaranek bakoitzak bera liburuaren berri emango digute. Amaia Telleriaren eta Segurako irakurle taldekoen arteko solasaldia ere entzugo dugu.

Urteari BIXI-BIXI agur esateko munduan zehar nola ospatzen dituzten Eguberriko eta urte batetik besterako egunak aipatuko dugu. Japoniatik Hiromi Joshida, Greziatik Nektaria Konstantellou, Argentinatik Marzela Inda izango dira gurekin bakoitzak bere herriko ohituren berri emango digu. Leitzako Orantzaroaren berri Unai Zabaletak emango digu eta Segurako ospakizunaren berri ere izango dugu.

Leire Elizegi BIZIPOZA -ko koordinatzailea izan da gurean. Boluntarioak behar dituzte eta hori kontatu digu gaurko elkarrizketan, baina ez hori bakarrik 2022rako dituzten hainbat proiektu ere ezagutu ditugu.

Idoia Asurmendi abeslariarekin izan gara gaurkoan.
Bere urte arrakastatsuaren errepasoa egin dugu, eta bere 2022a nolakoa izango den kontatu digu, Euskal Herrian zein Estatu mailan baieztatutako kontzertu birarekin hasiko dena.

Hobetzeko joera gehiago nabarmenduko zaio eguraldiari giroa dezente goxatuaz elementuak modu hobean direla. Akats txiki batzurengatik ontzat hartzeko moduan portatuko da gaur eta on aldi bikain nabarmena ate joka dela, urte muga bikain ospatzeko moduan izango garela dirudi. Gaur egunean zehar hobetzeko joera sumatuko da hego puntuko haize leuna eta zeru sabaiko hodeiak saretzen nabarituko ditugularik. Ateria seguru eta eguzkiaren keinuak ere sumatuko dira.