Maiatzaren 28an (datorren asteartean), La Salle Astearen ekitaldien artean, La Sallleko PROIEKTUEN IV ERAKUSKETA-AZOKA izango dugu, Beasaingo pergolatan.

Egun horretan beraz proiektuen eguna ospatuko dugu. Hirugarren ekitaldia izango da berau eta azken hru urtetan bezalaxe aurten ere Beasaingo erdigunean, 32 stand ezberdinetan, ikasle-taldeek beren eskola proiektuak erakusketa-azoka baten formatuan aurkeztu dizkiete bisitariei. 

Aitor Urkiola EH BILDUKO Olaberriko alkategaia etorri da estudiora. Aitorrek harrotasunez eta ilusio haundiz, datozen lau urteetan egin nahi dituzten proiektuak azaldu dizkigu.

Amaia gure zinema aditua, zinema munduko azken nobedadeekin etorri zaigu.

Anne Otegik bazkal ordurako errezeta egin digu. Paella eder bat.

Izarra Urdailleta dugu Segurako EH BILDUtik aurkeztuko den alkategaia. Izarra indartsu dator eta lanerako gogoz. Datorren legealdirako besteak beste, gazteen egoera aztertu, beraiekin hitz egin…, berdintasunetik lan egin…izango dituzte oinarri.

Idiazabalgo EH BILDUko alkategaia den Iñaki Alberdik ere datozen urteetarako dituzten erronkez haritu da. Parte hartzea nabarmendu du, herritarrak ere udaletxeko zati garrantzitsua direlako. Gogotsu dago Iñaki, legealdi berriari indarrez eusteko.

Udal hauteskundeetako azken egunetan sartuta gauden honetan, gaur goizean Segurako EAJ-PNVko alkategai izateko aurkeztu den Karmele Arruabarrena izan da estudioan. Datozen lau urteetarako dituzten proiektuen berri emateaz gain, Segurako ahulguneak eta indarguneak azaldu dizkigu.

Herrian bertan hautagaitza bakarra osatu dute Mutiloarrek. Urte luzez dihardu Iñaki Ugalde Alkategaiak Mutiloako udaletarentzat eta herritarrentzat lanean.Oraingo legealdian egin dituzten lanak eta datozen lau urteetarako dituztek proiektuak erakutsi dizkigu.

Legazpik ere badu alkategai berria EH bildutik, Edurne Gonzalez. Edurnek ilusioz eta gogotsu helduko dio alkatetzari. Datozen lau urteetarako proiektuak erakutsi dizkigu.

Izan Baiko Ioritz Imaz alkategaia izan da gaur Segura irratian. Datozen urteetarako erronkak eta proiektuak erakutsi dizkigu eta Ioritz hobeto ezagutzeko aukera ere izan dugu.