Euskal Herriko Zinema eta Dokumental ekoizpena aurkezteko festibala da, Hazparnen (Lapurdi). Atzo hasi eta igandera bitarte 20 filmetik gora ikusi ahal izango dira.

Asteburuan zinemara joan nahi? ba hementxe dituzu Amaia Gartziak egin dizkigun proposamenak.

Gaur ere Anne Otegi etorri zaigu.Eta errezeta goxo bat prestatu digu.

Beasaingo Udalak proiektu berria jarri du martxan, Ttiklik Elkargunearekin eta Laia Kooperatibarekin elkarlanean: Haurren Hiria proiektua. Francesco Tonucci pedagogo italiarraren filosofiarekin eta lanarekin bat eginez, eta Euskal Herriko hainbat herrik bat egin duten bezala, Beasainen ere haurren parte hartzea bultzatuko dute. 8 eta 12 urte bitarteko haurren iritziak, beharrak, ekarpenak, proposamenak jasoko dituzte.

asteburu honetan Ormaiztegiko Ander Deuna jaiak hasten dira. Azaroaren 23 larunbata, “Elegante eguna” izaten da, baina Museoan 7. urtez jarraian “XIX.mendeko eleganteen bilkura” antolatu du.

Sustatuko lagunak izan ziren atzokoan albiste bitxiak kontatuz.

Idoia apaolaza gurasotasun perfektuaren inguruan aritu zaigu hizketan.

Tolosako Babarrunaren ekoizleen XXVI. lehiaketaren lehen saria Berastegira joan da, lehen aldiz.lehen aldiz lortu du saria Sebas Garziarenak, Berastegin ekoitzitako babarrunarekin. “Pozik” agertu da Garziarena lehen sari hori jasotzera. Berastegiarra Kellesensa gobernuz kanpoko erakundeko kidea da, eta babarruna bertako kideekin batera biltzen duela azaldu du, “taldean eta musikaren laguntzaz”.  Babarrunaren ekoizpenetik lortutako dirua erakunde horretara bideratzen dute.