Maitzaren 8an Urretxuko XVI. Lore eta Landare Azoka ospatuko da eta gurekin izan dugu Maialen Fidalgo Urretxuko Udalako zinegotzia.

Hilabeteroko legez, gaur ere hementxe izan dugu Izarra Urdaileta Segurako alkatea. Maitzako kultur eskaintzaz, ikastaroez, igerilekua eta gimnasioaren inguran, Segurako Udalaren web gune berriaz edota udako Aisialdiaren inguruan hitz egin digu.

Marisa Barrena wikilariarekin gaurkoan gogoeta eta datu batekin hasi dugu saioa; Ez dago, euskarazko wikipedian, gaurko egunez jaiotako euskal emakumerik. Horregatik gaurko saioan gaurko egunean hil direnak aipatu dizkigu: Karmele Rotaetxe (2013), bilbotar hizkuntzalaria eta soziolinguista, Joxantonio Ormazabal, Joxan, euskal idazlea eta itzultzailea, Zegamarra eta Celeste Caeiro (1933), Portugaleko diktaduraren aurkako estatu-kolpea egin zuten militarren artean krabelinak banatu zituen portugaldar emakumea.

Goierriko Hitzako Iñaki Gurrutxagak asteko edukien berri eman digu.

Maiatzaren 7an, Ordiziako Plaza Nagusian “Euskal Herriko Artisau Garagardo Azoka” ospatuko da. Horren berri emateko Emaneurre taldeko kidea den Arkaitz izan dugu.

Atzera kontua! Eurovision Jaialdia maiatzaren 14ean ospatuko da Turienen eta azkeneko berriak, abestiak, eta nolako eragina duen politika eurovisionen ezagutu dugu Andoni Calvoren eskutik.

Gaurkoan Dantzaren Nazioarteko Eguna dela eta gurean izan dugu Oier Araolaza Arrieta, bera dantzaria, kazetaria, dantza-ikertzailea eta dantza-dibulgatzailea da.

ERRIGORA kanpainaren eskari kopurua %20 hazi da, iazko datuekin alderatuz gero. Inoizko uztarik emankorrena suposatu duela adierazi zuten eta gaurkoan gurean, ERRIGORAko kidea den Iker Ajuriagerra izan dugu horren berri emateko.

Goierri eskualdea Helmuga Turistiko Adimendunen proiektuan sartu zen iaz, eta horren berri eman zuten Niko Osinalde, Goitur-eko Zuzendaria, Mikel Plazaola, Goitur-eko Presidentea eta Daniel Solana, Basquetour-eko Zuzendari Orokorra.