Gaurkoan gertutik ezagutu dugu “Motxila Laranja ihes gela” abentura. Gurekin izan da Leire de Miguel, Ikertze elkarteko kidea ekimen hau aurkezten.

Urdaibai Bird Center -ren uda garaian murgilduta daude eta hainbat ekintzen berri eman dizkigu Edorta Unamunok, baita, arrano Arrantzalearen inguruko hainbat albiste kontatu dizkigu ere.

Ikasturteko azkenengo bixita egin digu Laureano Telleriak; betiko moduan, bitxikeri ugari, garai bateko ohitura eta jai giroaz nola gozatzen zuteneko kontuak izan ditugu hizpide gaurkoan.

Ondo merezitako oporrak hartu ta ikasturte berrirako berriz ere gurean izango dugu, Goizerokoa saioaren tarterik kuttunenetako bat berriz ere martxan jartzeko prest.

Gure Sustatuko lagunekin ostegunero egiten dugun tartean, Luistxo Fernandezek, LaMDA Language Model for Dialogue Applications elkarrizketa aplikazioetarako hizkuntza modeloaren eta adimen artifizialarekin garatutako irudi sorkuntzen berri eman digu.

Etorkizuneko kontuak diruditenak bainan egun hainbat arlotan erabiltzen hasiak diren garatze sistema berriak dira eta egunetik egunera geroz ta gehiago hedatzen joango direnak.

Ekaineko azken egun honek giro hezea, tenperatura baxuak eta giro nahasia dakar berarekin, bainan bihartik aurrera aldaketa somatuko dugula aipatu du Joxe Landak, zeruak garbitze aldera egingo du eta tenperatura goxoagoak espero ditugu, baita astebururako ere.

Egungo testuingurua zein den aintzat hartuta, gaurkoan Goiturreko zuzendaria den Niko Osinalderekin,  uda sasoi honetarako aurreikusta dagoen turismoaren, okupazioaren eta opor-planen inguruan hitz egin dugu.

Gaur ekainak 28, LGTBIQ+ Harrotasunaren Nazioarteko egunean, Esnatu naiz kabareta antzeztuko du Andoni Mutiloak Zegamako Eskolako gimnasioan arratsaldeko 19.30etan.

Herri kuttun batean eta urteko egunik aproposenean,  identitatea, giza-harremanak eta sexualitatea hizpide dituen ikuskizuna, gure nortasunarekin bat egin eta aske bizitzeko gonbitea egiten diguna.

Gaur, “Sin Mala Intención” taldeko Gorka Lizasorekin, ikastaroaren azken tartea egin dugu; hilabete hauetan egin duguna errepasatzeaz gain, artisten eta sorkuntzaren lagunen egunerokotasuna ezagutu dugu.
Eta amaiera gisa, erronka txiki bat aurkeztu diogu; txikia zena handia bilakatu da emandako argibideak ez direlako txukunenak izan…baina hala eta guztiz ere, bikain gainditu du gaurkoan beste behin.

Joxe Landak udako egun polita iragarri digu; ia hodeirik gabe eta tenperatura atseginekin.
Hala ere, bihar berriz zerua estalita ikusiko dugula, eta euria itzuliko dela ere aipatu digu.

Marisa Barrena wikilariak gaurko saioan bi emakume euskaldun aipatu dizkigu; Zoila Askasibar eta Begoña Izquierdo. Honekin batera, Betzaida Urtaza, gure kolaboratzailearen wikipediako orrialde berria ezagutu dugu.