Atzoko tankerari erabat eutsiaz, bikain portatuko da gaur ere eguraldia elementuak modua onean direla. Zeru sabaiko hodeiak pixka bat trinkotuko dira baina ateriari erabat eutsiaz, tinko mantenduko da uda giroa tenperatura goian dela. Zenbait lekutan beroegi baina kostaldean tamaina egokian dotoreziak eta goxotasunak bazterrak alaituaz, hego haize leunaren igurtziak areagotuta. Euri premiak areagotzen baina kanpoan ibiltzeko aproposa, itzala aukeratuaz, eguzkiak zorrotz jipoituko duelarik.

Gaur dotorezia eta beroa irabazian. Tenperatura goraka eta ia erabat oskarbi Euskal Herri guztian, eguzkia bistan tenperatura xaxatzen dela. Ipar partean bero eta barnealdeetan beroegi mantenduaz uda giro nabarmena gehiegikeri horiekin. Gainera euriaren beharra asetzeko tankerarik gabe, bazterrak kiskaltzen astean zehar freskuraren oparitxoa ostegunean izan daitekeelarik. Abuztua, dagonila, bero zapa barne, euria komeni baina elementuak modu txarrean horretarako .

Beroa nabarmenduko da gaur oskarbia nagusi dela. Laino  maskal batzuk balantzaka sumatuko diren arren eguzkia bistan egongo da beroa xaxatuaz. Uda giro bikaina ipar partean baina beroegi hegoaldean bazterrak kiskaltzeko zorian direla. Beraz, beroa izango da protagonista egun batzuetan tenperatura goraka dela batez ere hegoaldean, gehiegizko mailan mantenduko delarik. Hurrengo egunetan pixka bat areagotuko da lurralde guztian baina nabarmenago hegoaldean.

Apur bat narrastu: Gaur pixka bat galduko du giro onaren mailak baina bat ere txartu gabe ederki eutsiko dio giroaren goxotasunari. Dotoreziak apur bat galduko du batez ere kostaldean lainoak trinkotuaz euri mehatxua sumatuko zaiolarik baina ezer gutxi izango da hori. Ederki eutsiko dio giroak atsegin mailari baina euri premiak ase gabe, akats hori ezin konpondu.   

Sin Mala Intención Taldeko Gorka Lizasok beste kanta bat sotu du 4 hitzekin. HItzak hauek izan dira; Prezioen garestitzea, udako parrandak/festak, alerta horia/laranja eta badator uda!.

Atzoko tankerari eutsiko dio haizearen jita berdintsu dela baina hodei batzuk zeru sabaian eta tenperatura pixka bat gorago oro har. Alde handia kostaldetik barnealderagora, hor tenperatura askoz gorago mantenduko delarik. Oro har udaberri giro bikaina eta joera hori areagotzen hurrengo egunetan tenperatura dezente igoaz kostaldean ere. Hodeiak sare mantenduko dira egun hauetan dotoreziak gutxi galduaz eta giro onari bikain eutsiko diolarik. Maiatzari agur pozgarria egiteko moduan eguraldi ona martxan dela.

Maiatzaren 20tik 22ra “Idiazabal Jai Jai” asteburua ospatuko da. Gurekin izan da Iñaki Alberdi Idiazabalgo alkatea programaren berri emateko.

Ipar haizeak beherantz eragingo dio apur bat tenperaturari eta giroaren on mailak zertxobait irabaziko du joeratxo horrekin berotzar hori apur bat murriztuaz protagonista izaten jarraituko duen arren. Beraz, dotorezia mantendu eta goxotasunak apur bat irabazi.

Atzoko tankerari bete-betean eutsiaz bero puntua zertxobait areagotuta udaberri giro bikaina mantenduko da gaur ere elementuak modu onean direla. Atlantikoko borraska muturrari esker bikain portatuko da eguraldia beroa protagonista dela eta dotorezia osagarri eguzkia bistan dela. Beraz, kontuz eguzkiarekin, Maiatzeko opari bikain honetan modu berezian portatuko delarik.