Segurak, ostegun eta ostiral santuan herriko kaleetan zehar ibiltzen den prozesio iradakor eta ospetsua mantentzen du mendez mende. Gaur egun, Gipuzkoa mailan herri oso gutxitan ospatzen da Aste Santuko prozesioa eta hauen artean, Segurakoak oihartzun berezia dauka.

Gaur Marisa Barrena wikilariak emakume hauen biografiak ekarri dizkigu gogora. Juanita Ibaibarriaga Uriarte euskaltzalea eta gizarte-ekintzailea, Olatz Odriozola Mujika  Gipuzkoako txirrindularia emakumezkoen ziklo-krosean nagusi izan dena Euskal herriko zirkuitoetan, Maddi Torre Larrañaga  gipuzkoar futbolaria. Salbuespen bat ere egin dugu gaurko saioan eta Xabier Galdeano ekarri dugu gogora, gaurko egunez duela 41 urte GALek tiroz hil zuelako eta María Moliner Ruiz espainiar liburuzain, filologo eta lexikografoa.

Amesgile argitañetxeko Betzaidak liburu berria aurkeztu digu. MUXUAK ETA BESARKADAK MUNDUAN ZEHAR deiturikoa.

Segura Irratia, Goierri Irrati Telebista (GITB) eta Goierriko Hitza eskualdeko proiektu komunikatibo multimedia bat sortzeko lanean ari gara. Elkarlanaren lehen fruitua Korrikaren inguruko solasaldia izan da. Nekane Munduate Goierri beheko Korrikako arduradun eta AEK-ko irakasleak, Chabeli Sierra AEK-ko ikasleak, Korrikan kilometro asko egiten dituen Asier Auzmendik eta Xabier Albizu Errigorako kideak parte hartu dute. Goiztiri AEK euskaltegiko ikasleak ere bertan izan dira, ikusle gisa. Horretaz gain, Argentinan euskaraz bizi den Rocio Basterrari egindako elkarrizketa bat ere ikusteko aukera izango da. Saio honek Ampo, CAF, Goieki, HINE eta Orkliren babesa jaso du, Korrika eta Goierriko euskarazko hedabideekin bat eginez.

Loratuz fisioterapia zentruko Anabelek korrika egiteak dituen onuraz, baita ager daitezkeen lesioaz hitz egin digu.

Laiotz Herrri eskolako Irene, Paula, Ali, Jon, Alex eta Elur izan ditugu gaur estudioan eta Korrikaren inguruko erreportai potita utzi digute.

La Encartada Fabrika-Museoaren eta Rialiaren erakusketen ondoren, San Telmo Museoak Gerardo D’Abrairak egindako marrazkien sorta bat aurkeztuko du, oraingo honetan Gipuzkoako instalazio industrialetarako marraztu zituen bista panoramikoak ardatz hartuta, Bizkaian eta Errioxan egindako beste marrazki batzuk baztertu gabe. Erakusketa hone nondik norakoak San Telmo Museoko Nerea Izagirrek emango dizkigu.

Maiatzaren 3an izango da Segura-Zerain mendi lasterketa. Izen ematea zabalik da.

Marisa Barrena wikilariak emakume hauen efemerideak ekarri dizkigu gogora:

Aiora Errenteria, bizkaitar abeslari, kantagile eta irakaslea, Zea Mays taldeko kidea, Benita Uribarrena borrokalari antifaxista. PCEko militantea izan zen, eta Emakume Antifrankisten Espainiako Batasuneko ekintzailea, Tere verdes bilbotar aktibista eta militante abertzalea.EAJko eta Emakume Abertzale Batza (EAB) taldeko kidea, Maite Lafourcade baionarra euskal zuzenbidean espezializatu unibertsitate irakasle izan zena.

Gaurko saioan Laureano Telleriak, Petrikiloen lanbideaz hitz egin digu besteak beste.