Sustatu -ko Luistxo Fernandezek gaurkoan albiste hauek aurkeztu dizkigu: Hizkuntz Eskubideen Behatokiaren webgunea berrituta, Jakindun zientzia bideoak Youtuben eta Wikipedian Ikusgela mundua ulertzeko bideoak.

Laureano Telleriak gaurkoan kontu gehiago ekarriz dizkigu; Gure herrietan ikusten diren txoriak desagertzen hari direla eta “hileta kategoriak” azaldu dizkigu.

Kazetariak izan dira gaurkoan Inaya, Aetz eta Ekhi. Erreportai bat prestatu dute Jokin Altuna pelotariari buruz.

Sin Mala Intencion taldeko kidea den Gorka Lizasok beste kantu bat sortu digu. Gaurko hitzak hauek izan dira: Zegama-Aizkorri Mendi Maratoia, festak, Gurasoen Nazioarteko Eguna eta Korrikalariaren Nazioarteko Eguna.

Atzoko tankerari eutsiko dio haizearen jita berdintsu dela baina hodei batzuk zeru sabaian eta tenperatura pixka bat gorago oro har. Alde handia kostaldetik barnealderagora, hor tenperatura askoz gorago mantenduko delarik. Oro har udaberri giro bikaina eta joera hori areagotzen hurrengo egunetan tenperatura dezente igoaz kostaldean ere. Hodeiak sare mantenduko dira egun hauetan dotoreziak gutxi galduaz eta giro onari bikain eutsiko diolarik. Maiatzari agur pozgarria egiteko moduan eguraldi ona martxan dela.

2022ko Beasaingo Loinatz Jaiak prest! Maiatazaren 27tik ekainaren 5era ospatuko dira eta gaurkoan Leire Artola, Beasaingo Alkatea izan dugu programaren berri emateko.

“Top Gun Maverick”, “El Comensal” eta “Cinco lobitos” izan dira gaurkoan Amaia Gartziak, gure zinema adituak, aurkeztu dizkigun filmak.

2011. urtean sortu zen gipuzkoako HAATIK Dantza konpainia eta gaur gertutik ezagutu dugu Aiert Beobideren, konpainiaren zuzendariaren eskutik. Maiatzaren 29an ikuskizuna dute Berrobin eta horren berri ere eman digu ere.

Goxua´n Salsa 2020ko urtarrilean jaio zen Iruñean, euskarazko saltsa eta musika latinoa egiten duen orkestra da, baita New York, Kolonbia eta Puerto Ricoko 60., 70. eta 80. hamarkadetan inspiratutako saltsa klasikoa interpretatzen dute ere. Goxua´n Salsa Taldeko kidea den Julen Leuzarekin hitz egin dugu eta taldea aurkeztu digu Goizerokoan.

“333 PROIEKTUA” gertutik ezagutu dugu Txukentzeneko Maitane Ormazabal Larzabalen eskutik: Zer da? Zergatik jarraitu metodo hau?, nondik hasi?,… galdera guzti hauei erantzuna eman diegu gaurko saioan.