Urdaibai Bird Centerreko  Edorta Unamunorekin izan gara. Gaurkoan Sai-zuria putreen familiako hegaztia aurkeztu digu.

Gaur gehiago nabarmenduko da euritarako joera gutxi botako badu ere. Ipar haizeak pixka bat mugituaz lainotzarrak arrastaka ekarriko ditu ipar partea dezente zikinduaz eta euri mehatxua bai baina gutxi botako  du dotoreziak galanki galduaz. Beraz, grazia gutxiko eguraldia euri mehatxu eta guzti baina premiak asetzeko ez da ezer izango, bihar berriz ere garbitze aldera joko duelarik. Asteburuan oso eguraldi ona elementuak modu onean direla.

Unai Zabaleta Leitzar kolaboratzaile saltseroa gaurkoan ikerketa baten inguruan hitz egin digu; “sexuaren onurak”

Betzaida Urtaza ipuin sortzaile eta kontalariak uda giroan mugilduta dago eta bihar Oñatin izango duen ipun kontaketa baten berri eman digu. Honekin batera, abuztuan ekintza gehiago dituela aipatu digu.

Maiatzetik itxita egon ondoren, Urbiako Fonda berriz ere zabalik da.

Azken 25 urteetan fondaren kudeaketa eraman duten Altzelai eta Altube familiek maiatzean itxi egin behar izan zuten; ekainean ustiaketarako deialdia zabaldu zuen Gipuzkoako eta Arabako Partzuergoak, eta dagoeneko baditu arduradun berriak: Peio Bilbao eta Naiara Romatet elgetarrak.

Gaurkoan Peiorekin izan gara, eta irekiera berri honen inguruan hitz egin dugu.

Giro nahasiarekin hasi dugu eguna, baino orduak aurrera egin ahala, eguraldiak itxura politagoa hartuko duela iragarri du gaurkoan Joxe Landak; temperatura aldaketarik ez dugu aldaketarik nabarituko.

Ohi moduan, Marisa Barrenak, gaurko egunez jaiotako hainbat emakumeen efemerideen inguruan hitz egin digu; gaurko protagonisten artean, ermuar eta leinu aberats bateko oinordeko izan zen Isabel Lobiano, Tafallan jaio zen María del Villar Berruezo, nafar dantzaria ta idazlea eta 1997an, gaurko egunez zendu zen Maria Dolores Agirre, errezildar euskaltzale, irakasle eta esatariaren istorio eta bizipenak aurkeztu ta kontatu dizkigu.

Joxe Landak gaurkorako giro goibela iragarri du, hala ere arratsalde amaierarako ostarte batzuk espero direla ere aipatu digu, biharko izango dugun hobekuntzaren seinale.
Temperaturari dagokionez, astean zehar txukun mantenduko da, eta iganderako espero dugu igoera nabarmena.

Euskarabentura espedizioaren 4. edizioa martxan da, uztailaren 1ean hasi zen eta 31 bitarte Euskal Herri osotik ibiliko dira. Atzo Zerainen izan ziren eta gaur goizean Tolosarako bidea hartu dute.