Asko aldatuko da eguraldia atertze aldera eginaz baina tenperatura behean dela mikatz mantenduko da giroa ipar haize petralarekin. Egunsentian busti antza baina atertzera egingo du eta lainoak saretuaz, itxura polita bai baina epeldu ezinean, grazia gutxiko eguraldia izango dugu. Hala ere hobetzeko joera sumatuko zaio nabarmen eta dotoreziari behintzat eutsiko dio hurrengo egunetan ere itxura politarekin. Beraz, onetik onera astean zehar dotorezi politarekin baina agian epeldu ezinean.

Andoni Calvo kolaboratzaileak, udaberri honetarako moda tendentziak aipatu dizkigu. Baita, etxeko armarioa osatzeko, ezinbestean izan beharreko arropak aipatu dizkigu.

Amaia Garcia zinema adituak, astebur honetan izango diren zinema estreinaldiak aipatu dizkigu.

Gure Zirkuko lagunak martxan dira berriro eta 4. denboraldiari ekingo diote Oreretan. Iker Galartzak xehetasun guztiak eman dizkigu.

Atzoko tankera mantenduko du, baina apur bat nahasiagoa, trumoi hodei batzuk agertuaz. Barnealdeetako mendi guneetan garatuko dira ekaitz bakan horiek eta beste lekuetan ez da arriskurik egongo eta dotorezi goxoa mantenduko da egun guztian hodei potolo  bakan horiek bistan egon arren. Pixka bat zikinago zeru sabaia baina euririk ia bat ere ez eta eguzkia sarri agertuaz, dotorezia eta goxotasuna dezente nabarmenduko dira batez ere ipar partean eta bereziki kostaldean.

Laureano Telleriak , bere garaiko kontuak kontatzen jarraitu du gaur eta gu ikasten. Urte batzuk atzera egin dugu eta garai hartan zituzten jantzi, zapata…aipatu dizkigu, baita infernuaren inguruan kontatzen zizkieten siniskeriak ere.

Atzoko eguneko joerari eutsiko dio , giro goxo eta atsegina mantenduaz, haizea hegotik eta tenperaturak gorakako joera hartuz.

Idiazabalen, APIRILA AIRE, AIRE! aisi agenda sortu dute arlo ezberdinetako ekintzak  herritarrei eskeini asmoz. Iñaki Alberdi alkateak ekintza guztien berri eman digu.

Gaur zen ospatzekoa Ordiziko Oiangun, Idiazabal gazta berriaren aurkezpena eta mozketa. Goierriko COVID 19 aren bilakaera ikusita , bertan behera geratu da ekitaldia. Adur Ezenarro alkatearekin hitz egin dugu.

Gaur hobetze aldera egingo du goizeko haizearen hego ukituak eraginda. Oskarbi samar eta epeltzeko joera nabarmenduaz, dezente nabarituko da giroaren goxotasuna. Antizikloiaren isobarak jita onean direla, asko hobetuko da egunean zehar dotoreziak eta goxotasunak irabaziaz.