Lyme gaitza edo Lyme borreliosia gaixotasun infekzioso multisistemikoa da, Borrelia burgdorferi bakterioak eragindakoa, akainen edo kapazten bitartez transmititzen dena. Eritasunak larruazalari, nerbio-sistemari,   bihotzari  eta   artikulazioei eraso egiten die. Naiara Olague , gaixotasuna duen neska da eta bere testigantza kontatu digu.

SUSTATUko Luistxo Fernandezek albiste bitxi hauel ekarri dizkigu,Applek musika digitalaren alorrean egiten duena salatu du Europako Batasunak eta Albiste agregatzaile bat erosi du Twitterrek eta itxi egin du.

Gaur goizean ateriari eutsiko dio, baina arratsaldetik aurrera trumoiak euri dexente ekarriko dute. Tenperarturari dagokionez, 20ºren buelta ibiliko da.

Dezente hobetuko da gaur nora ezeko haize geldiaren hego ukituak eraginda. Baina ez da asko nabarmenduko hobekuntza hau haize geldi hori arratsaldean iparretik jarriko delarik eta iluntzean berriz ere euritara joko du freskatzeko joerarekin.  Beraz, gaur ere ez dugu eguraldi gustagarria izango.

Laiotz herri eskolako haurrak etorri zaizkigu ahozkotasuna eta komunikazioa lantzeko egiten dugun tartera. Gaur, Zeraingo Aner eta Segurako Ismael etorri zaizkigu.

Muoiez eta etorkizuneko fisikaz hitz egin digute Eureka Zintzia museokoak.

Tobera musika eta dantza eskolan 2021-2022 urterako izen-emate epea zabalik da maiatzaren 23a bitarte. Honen guztiaren xehetasunak Toberako zuzendaria den Iker Gomez de Segurak eman dizkigu.

Azken asteetan, Goizerokoa saioan SUSTRAI fruta denda ezagutzen aritu gara. Gaur ordea, asteko saltokiari esker, Legazpiko Sustri fruta dendako ateak zabaldu dizkigute eta osotasunean dendako jarduera ezagutzeko aukera izan dugu.

Aintzane Artola tolosarrak modelo lana egin du Mango etxearen bular bakarreko emakumeen bilduma berrian ikusgarritasuna aldarrikatuz.