Zaldiekin erlazionatzeko beste modu bat erakusten du Edurne Barriolak, beraiekiko errespetuan eta elkarrekiko konfiantza landuz. Zaldizketa proiektuarekin hainbat aukera eskaintzen ditu horretarako.

Gaur asko nabarmenduko da hobetzeko joera hori giro goxo, atsegina eta dotorezi polita mantenduko delarik, zeru sabaian hodei bakan batzuk egon arren. Haize leunak ipar ekialdetik joko du ia geldi giroaren goxo puntu hori bermatuaz. Tenperatura gorago baina tamaina onean dela, giro gustagarria garaiari tokatzen zaion uda giro bikainarekin. Badirudi astean zehar dezente eutsiko diola on  maila bikain honi, akats txiki batzuk gora-behera.

Beti da plazerra Sonakay taldeko Yoni Camacho gurean hartzea; aspaldiko partez berarekin egon gara gaurkoan, arratsaldeko 19.00etan Tolosako Zezen Plazan, “Kultura Plazara” jaialdian taldeak eskainiko duen kontzertuari buruz hitz egiteaz gain, Yonik proiektu berri batzuei buruzkoak ere aipatu dizkigu.

Abuztua eta irailean zehar, Oianguko Parkea kontzertu eta musika saio bereziez beteko da. Hauen giltzarria jasangarritasuna da eta horretarako Ekirock gailua erabiliko dute artistek behar duten energia eguzkiaren indarrarekin sortzeko.

Kontzertuak doakoak eta txiringitoaren terrazan kokatuko dira; Covid-19 segurtasun arauak bermatuta egongo dira eta denon ardura izango da giro lasai eta osasuntsu batean gozatzea.

Vanessak aipatu duenez, sorpresatxoren bat ere egongo da beraz, adi egon beharko gara.

Pasaden uztailaren 11ean Ane Mintegi idiazabaldar tenislari gazteak historia egin zuen; Wimbledongo junior txapelketa irabazten duen lehen euskal tenislaria da.

Anek jada asimilatu du lortutako balentria eta berriz ere txapelketa berriei ekin aurretik, gurekin hitz egiteko tarte bat hartu du idiazabaldarrak.

Ama orea, irin garbiak (gehigarri kimikorik gabeak) eta fermentazio luzea izan behar ditu osagaitzat ogi on eta osasuntsu batek.

Horrelakoak aurkitzen ditugu Lazkaoko Oreka Okindegian; garai bateko ogia, gure arbasoek egiten zuten moduan.

Eskualdean ez zegoela horrelako negoziorik ikusita eta okintzaren inguruan zituen kezkak asetzeko-edo, bere afizioa zena lanbide bilakatu du Julen Irurzunek.

Ataungo eguneroko albisteak bildu eta astean behin 300 bat herritarrei bidaltzen dizkie Jexux Goikoetxeak; 12 urte luze daramatza langintza horretan, erretiroa hartuta dago baino irakasle garaian zioen moduan, “ahozkoa joan egiten da eta komeni da ahal den neurrian gertatu denaren inguruan idaztea.”

Gurean hartu dugu beste behin Goitureko zuzendaria den Nikolas Osinalde.
Egungo egoerak Turismo sektorean duen eragina, orain arte ezagutara eman diren egonaldi eta bisitarien inguruko datuak eta aurtengo uda kanpaina nolakoa espero denaren inguruan hitz egin dugu berarekin.

EHUko Mikrobiologiako irakaslea den Miren Basaresekin egon gara beste behin; uda garaiko egoera ta pandemia aldaerek gazteengan egun sortu dezaketen arriskuaren inguruan hitz egitez gain, uda osteko egoerari begira ere jarri gara eta talde inmunizazioaren garrantzia ere nabarmendu du beste behin Mirenek.

Oporretara joan aurretik, Goierriko Hitzako Iñaki Gurrutxagarekin egin dugu solasaldia. Azken urte hauetan bezala, abuztuan zehar, eguneko albisteak formatu digitalean soilik jarraitu ahal izango ditugu; gauden lekuan gaudela ere, eskualdean gertatzen denaren berri jarraitzen izango dugu.