Eguraldi “tristearekin” jarraituko dugula aipatu digu Joxe Landak eta tenperaturak 20 gradu inguruan mantenduko dira.

Ostiralean eta larunbatean berriz uda giroko eguraldia espero da.

Joxe Landak eguraldi kaskarra jarraituko duela aipatu digu, baina bihartik aurrera eguraldi hobeagoa egingo duela iragarri du. Gaur ere tenperatura 20 gradu ingurukoa izango da.

Ordiziako anbulategiko erizaina eta Kellesensa Gobernuz Kanpoko Erakundeko kidea den Sebas Gartziarenarekin izan gara, Aziz Ndayek bere bizikleta egokitua jaso duela kontatu digu eta martxan dituzten proiektuak aurkeztu dizkigu ere.

Joxe Landak eguraldi kaskarra izango dela aipatu digu eta euria iragarri du ostegunera arte. Ipar haizea ere izango da eta tenperatura ez da 20 graduetatik pasako,

Luca Ricci erromatarra da, eta bisita turistikoak gidatzen ditu euskaraz. Goizerokoan izan genuen bisita gidatuen berri ematen.

Gaurkoan, Erroman, nolako uda izaten ari den aipatu digu.

Urdaibai Bird Centerreko Edorta Unamunok 20 urte daramatza txorien mugimenduak eta jarrerak aztertzen. Hori dela ta, txori arraza beraren artean dialektoak daudela dio.

Gaurko tartean txorien komunikatzeko erari eta egoerak adierazteko erabiltzen dituzten kantuetako batzuk aipatu ta entzun ditugu.

Nerea Amondarainek betidanik sentitu izan du besteei laguntzeko grina; medikuntza ikaslea da eta gaixotasun mentalei eta hauek eskatzen duten zaintzaren garrantziaz hitz egin digu.

Duela gutxi Youtuben “I do mind” kanala ireki du, bertan tabutzat hartzen diren gai anitzen inguruan askatasun eta lasaitasun osoz hitz egin ahal izateko, eta bide batez, horrelako egoeraren batean dagoen edo pairatzen duen orori laguntza emateko asmoarekin martxan jarri duen ekimeraren inguruan aritu zaigu.

Joxe Landak uda beteko giroa iragarri du datozen orduetarako; 30 gradu inguru barnekaldeko zenbait puntutan eta kostaldean itsasoko brisari esker, giro atseginagoaz gozatzeko aukera izango dugula aipatu digu.

Niko Osinalde Goierriko GOITUR turismo agentziako zuzendaria izan dugu beste behin gurean, eta 2019ko uda denboraldiko datuetara gerturatzen ari garela nabarmendu du; iazkoarekin alderatuz, gorakada nabarmena izaten ari da turismo sektorea.
Pozik eta itxaropentsu agertu da eta irailera begira, orain arteko datuak mantentzeko moduan izango garela iragarri du.

Txalok Produkzioak konpainiaren “Bost minutun” antzezlana estreinatuko dute gaur arratsaldeko 20.00etan Donostiako Antzoki Zaharrean.

Nekane (Itziar Urretabizkaia) eta Koldo (Andoni Agirregomezkorta) bikotea dira antzezlaneko protagonistak, haurdunaldi testa egin eta emaitza jakiteko bost minutu falta dituztenak; tarte horretan hainbat galdera sortuko zaizkie buruan: Guraso izateko prest ote daude?; Gurasoak izan nahi al dute?; Aurrerapauso bat da edo amildegira jauzi bat?.

Umore klabean, ume bat izateko berantiar den bikote bati haurdunaldi baten aurrean sortzen zaizkion kezka eta beldurrak aztertzen dituen obrari buruz aritu gara Andonirekin.