Iragarkilaburrak.euseko Lierni Ormazabal izan da gurean, webgunean dituzten albiste esanguratsuen eta blogeko gaien berri ematen.

GURE ZIRKUA Beasainera dator eta Iker Galartzarekin emanaldi berri hauen inguruan hitz egin dugu.

Izarra Urdaileta Segurako alkatea izan da estudioan, herriko hainbat gaien berri emateko.

Atzoko joera hori mantenduaz, lardats antzean mantenduko da gaur ere, lainotsu eta ateriari eutsi ezinean, tenperatura fresko samar dela ipar haizeak xaxatuta. Ipar partea gehiago gaztigatuaz, grazia gutxiko giroa elementuak modu txarrean direla. Txarkeria nabarmenik gabe, kili-koloko eguraldia egun batzuetan antizikloiaren isobarak jita txarrean direla baina on aldi bikaina ate joka izango dugularik, aisa jasango dugu pattal alditxo hau.

Oier Iruretagoiena artistaren SAN SEBASTIAN ETA FANTASMA erakusketa, kutxa fundazioaren eta San Telmo museoaren artea abian proiektuaren edizio berrian izango da. Oier Iruretagoiena egilearen hitzak jaso ditugu.

ZUALBE ongizate emozionalerako zentruko Beñat Zubeldiak, proiekzioa zer den eta nola ematen denari buruz hitz egin digu.

Goierriko hitzako Iñaki Gurrutxagak, asteko edukien errepasoa egin digu.

Zertxobait galduko du onaren mailak. Haizea goizeko hego ukitutik azkar jarriko da iparretik laino maskalak ugalduaz eta euri zipriztinak barreiatuko ditu ipar partean giroa dezente kaskartuaz. Tenperatura pixka bat jaitsiaz  giroa dezente mikaztuko da. Arratsaldean haize suabea ipar mendebaldetik jarri eta laino maskalak barreiatuko ditu euri lardatsa botaz, lardaskeria amorragarriak ipar partea gaztigatuko duelarik. Beraz, asko txartu gabe baina grazia gutxiko eguraldia mantenduko da egun batzuetan.

Andoni Calvo kolaboratzailearekin izan gara bidaiak, moda eta Eurovision izan dira gaurko gaiak. Sevilla, paseatzeko hiri onenetako bat, etorkizuneko eguzkitako betaurrekoak, datorren urtean eurovision non ospatuko den,… Informazio guztia gaurko saioan entzungai.

Amaia Gartzia zinema adituak telesail eta filmen estreinaldiak aurkeztu dizkigu.