IBILI BEDI ETA JOSEBA IRAZOKI&LAGUNAK, ZUZENEAN HEMEN

https://youtu.be/LkXBNyI9hdw

Amaia Gartzia zinema adituak filmen estreinaldiak aipatu dizkigu.

Vanessa Blazquez eta Nerea Segurarekin izan gara gaurkoan. Diabetesa pairatzen dutenen artean ea komeni ote dan kirola egitea edo ez azaldu digute.

2022ko Ehunmilak martxan da. Gaurkoan izango da izen-ematea eta 2022ko uztailaren 8, 9 eta 10ean ospatuko dira hiru lasterketak. Andoni Zubeldiak informazioa guztia eskaini digu gaurko elkarrizketan.

Sustatuko Luistxo Fernandezekin izan gara. Gaurkoan “Zure Hatz Marka Euskaraz” kanpainaren datuak ezagutu ditugu.

TXUKUNTZENeko Maitane Ormazabal Larzabal, aurreko saioan aipatu bezala, udazkeneko urtaro aproposa da Baztertzerako. Etxeko txoko eta gela bakoitza aztertzen egongo gara hurrengo saioetan. Gaurkoan, gure etxeko sarreran zer baztertu beharko genukeen zerrendatxo bat azaldu digu Maitanek.

Berdintsu mantenduko da baina dotoreziak eta goxotasunak zertxobait irabaziaz giro alaiagoa eta pixka bat goxoagoa onaren mailak apur bat irabaziko duelarik. Baina haizearen ipar ukituak ez dio hobekuntza asko gauzatzen utziko.

Laiotz Herri eskolako Aetz, Ekhi eta Inaia etorri zaizkigu gaurkoan ahozkotasuna eta komunikazioa lantzeko irratsaioa egitera.

ZAPOREAK Gipuzkoako GKEak kanpaina solidario berri bat jarri du abian “Jantzi Negua”, Grezian bizi diren pertsonei zapatilak eta botak emateko. Hitzordua larunbat honetan izango da herri eta hiri ezberdinetan.

Zapiak bat elkarteko kidea den Idoia Sarasolarekin izan gara. “AZAROA, HAZI AROA” egitasmoa izango da azaroaren 13an Zaldibian. Informazio guztia gaurko elkarrizketan entzungai duzue.