Urrup Antzerki Taldeko Rosa Rojo gurekin izan da gaurkoan, Emakumeen Aurkako Indarkeriaren Aurkako Eguna dela eta Ordiziako plazan Performance bat egingo dute arratsaldeko 18:30etan.

Luistxo Fernandezewkin izan gara gaurkoan. Covid ziurtagiriak irakurtzeko metodoa Certificate Check aplikazioaren inguruan hitz egin dugu eta Bakarrik Edo Bi Twitter Espazioak probatzeko aukera izan dugu.

Aste honetan BIXIBIXI gai ugari aipatuko dugu. Ipar Euskal Herritik Mariagnes Gorostiaga izango dugu. Asisko Urmenetaren “Sugarren mende” liburuan oinarritutako ikuskizun dramatizatua hizpide besteak beste. Bihar sail berri bat hasiko dugu Itxaro Alustizarekin, hainbat hitzei buruz arituko zaigu, Hiztegi etimologikoa oinarri hartuta. Eñaut Arretxe segurarra Bartzelonatik arituko zaigu, katalanaren erabilerari buruzko azken datuei buruz hain zuzen ere.

Laiotz Herri eskolako Anuk, Naroa eta Ur etorri zaizkigu gaurkoan ahozkotasuna eta komunikazioa lantzeko irratsaioa egitera.

Izar Foroni Ruiz de Larrinaga Zeraindarrak,  NUI proiektua aurkeztu digu; ikusmen urritasuna duten haurrentzako sortutako arropa bilduma da.

EHU-ko mikrobiologiako irakaslea den Miren Basarasekin egin dugu gaurkoan beste behin hitz ordua; egungo egoera epidemiologiokoari buruz, txertoen eraginkortasun eta hartu beharreko neurriak

Oiharte sagardotegiko Maite Retolazak Donostian eginiko sagardo forum III. nazioarteko sagardo lehiaketan lortutako dominaren inguruan hitz egin digu.

Kaskar jarraituko du eguraldiak ipar haize hotza dezente mugituaz. Mikatz mantenduko da giroa euri zaparrada trumoitsuak barreiatuaz, Euskal Herri guztia harrapatuko duelarik. Ipar partea gehiago gaztigatuaz eta bereziki kosta partean, ipar haize petral horrek gehiago harrapatuko du, gehiago mugituaz. Isobaren jitak eraginda, zaparrada potolo samarrak ere izan daitezke txingorra tartean dutelarik. Beraz, kontuz eraso makur honekin.

Kaskarkeria nabarmenduko zaio gaur eguraldiari ipar haize petralak galanki mikaztuko duelarik. Goi geruzetako aire hotzguneak ekaitz tankerako zaparradak garatuaz, galanki gaztigatuko du Euskal Herri guztia txingorra ere bota dezaketelarik trumoizko zaparrada horiek. Tenperatura nabarmen jaitsiaz, eguraldi makurra martxan aste guztian irauteko tankeran. Beraz ia-ia negu giroa mantenduko da aste guztian giro desatsegin amorragarriarekin.

ELIKAGAIEN BANKUKO BILKETA HANDIA AZROAREN 25ERA BITARTE. Bono bidez egingo da aurten ere Gipuzkoako Elikagaien Bilketa Handia, azaroaren 19tik 25era. Bergarako biltegiko Joxe Mº Beitiarekin hitz egin dugu