Urte berrian ere etorri zaizkigu Segurako Laiotz Herri Eskolako haurrak, ahozkotasuna eta komunikazioa lantzeko egiten dugun saiora. Gaur, Beñat, Bidatz eta Irati etorri zaizkigu.

Urtarrilaren 13an, Ordiziko herri antzokian AMA-ALU -LUR ikuskizuna eskeiniko dute. Ikuskizunaren xehetasun guztiak May Gorostiagak eman dizkigu,

Hobetze alderako joera nabarmenduko zaio. Lainoak saretuaz, ateria seguru eta dotoreziak asko irabaziko du baina tenperaturari beherako joera sumatuko zaionez hotz puntu horrek dezente mikaztuko du giroa, nahiz eta haize leuna ipar ekialdetik ia geldi sumatuko den.

Gorka Lizasok kantu ederra sortu digu, oso ezaguna den marrazki bizidunen doinu batekin. Honakoak izan dira abestia sortzeko guk proposatu dizkiogun hitzak: 2022, urte berri on, aldapan gora, itxaropena, Omicron-Deltacron-Doraemon.

Ekimena psikopedagogia zentruko Idoia Apaolazarekin besarkadak duten garrantziaz aritu gara.

 Gaur ere kaskar antzean baina hobetzeko joera sumatuko zaio prezipitazioak gutxitu eta lainoak saretuaz. Haizea pixka bat baretuko da iparretik jarrita eta horrela hobetzeko tankera sumatuko zaio egunean zehar. Arratsaldean dotorezia eta goxotasuna modu hobean sumatuko dira baina oraindik busti puntua nabarmen, bazterrak blai direla. Egun askotarako ateria abiatuko da gaur eta ea busti puntu nabarmen hau konpondu eta txukunago portatzen den hurrengo egunetan.

Marisa Barrena, maistra, psikopedagogoa, wikilaria, euskaltzalea eta feministaren eskutik gaurkoan ere, emakume borrokalari, indartsu…ezagutu ditugu: Gabriela Mistral, eusko eta aimara jatorriko txiletar idazlea,,Julia Hermosilla Sagredo, sestaotar anarko-sindikalista, milizianoa eta frankismoaren aurkako erresistentea,Zuriñe del Cerro, bizkaitar feminista aitzindaria,Joaquina Eguaras, hebraista eta arabista,Maria Francisca Marcelina Camino Arregi eta Ana Urkiza Ibaibarriaga  euskal idazlea eta itzultzailea.

GITBko Ainhoa Ibañezek , aste honetarako izango dituzten edukien berri eman digu.

Miren Basaras EHUko mikrobiologia saileko irakaslearekin hitz egindugu, egungo positibotasun tasaren inguruan, Omikron aldaeraren nondik norakoen inguruan baita datozen hilabeteetako joeraren inguruan.

Kaskartzeko joera jarraituko du eguraldiak negu giroa nabarmenduaz. Elurra ez da behetara jaitsiko baina giro busti eta petrala mantendu bai lurraldearen ipar partea gaztigatuaz. Hala ere borraskaren isobaren jitak eraginda haizeak sartaldetik joko du egun batzuetan eta udazken tankera gehiago sumatuko zaio  eguraldiari egun hauetan.