Atzoko tankerari bete-betean eutsiaz bero puntua zertxobait areagotuta udaberri giro bikaina mantenduko da gaur ere elementuak modu onean direla. Atlantikoko borraska muturrari esker bikain portatuko da eguraldia beroa protagonista dela eta dotorezia osagarri eguzkia bistan dela. Beraz, kontuz eguzkiarekin, Maiatzeko opari bikain honetan modu berezian portatuko delarik.

Maiatzaren 22an Iñaki Beitia Mendi Martxaren 24. edizioa ospatuko da. Informazio guztia Jon Mikelek azaldu digu, Iñaki Beitia Mendi Martxaren antolakuntzako kidea.

“Pirinioetako bidea” erronka gertutik ezagutzeko aukera izan dugu Amalur Alvarez bozeramailearen eskutik. Erronka honen helburua 400 gailur baino gehiago argiztatzea da, Pirinio osoan, Higer lurmuturretik Creuseraino.

San Telmo Museoan maiatzean ospatuko da Gipuzkoako Erroten Egunaren lehenengo edizioa. Gipuzkoako Erroten Eguna ospatzeko ekimena Ihurrita Errota elkarteak bultzatu du, eta lurraldeko hainbat elkarte, udalerri eta eragileren laguntza izan du, besteak beste, San Telmo Museoarena eta Gipuzkoako Foru Aldundiarena. Jendeari errotak hobeto ezagutzeko eta ondare-elementu horri lotutako alderdi ezberdinak ulertzeko aukera ematea du helburu eta maiatzaren 8an ospatuko da.

Horregatik gaurkoan gurean Alex Roteta izan zudu, Ihurrita Errota elkarteko kidea informazio guztia azaltzen.

Ostiraletik aurrera martxan izango da “V. Zeraingo udaberriko kulturaldia” honen berri emateko gurean izan da, Aloña Elorza Zeberio Herri Bizitzako Batzordeko eta OA Kultur Elkarteko Kidea.

Gaur zertxobait hobea mantenduko da eguraldia. Ateria behintzat seguru eta ipar haizea bareago dela, giro hobea zerua erabat estalia mantendu arren. Tenperatura behe samarrean dela, giroaren petral puntua zertxobait gutxitu arren, hobekuntza ez da asko nabarmenduko Penintsulako depresioaren kulpaz. Barnealdeetan kostaldean baino euri gehiago.

Maiatzaren 7an eta 8an Idiazabalen Euskal Gaztaren azoka ospatuko dute. Gurekin izan da Idiazabalgo alkatea, Iñaki Alberdi, horren berri emateko.

Atzera kontua! Eurovision Jaialdia maiatzaren 14ean ospatuko da Turienen eta azkeneko berriak, abestiak, eta nolako eragina duen politika eurovisionen ezagutu dugu Andoni Calvoren eskutik.

Atzokoan Ordiziako Artzain Egunaren berri eman genizuen.

“Goizerokoa” saio berezian, Anaitze Jauregik, eguneko protagonistetako batzuekin hitz egiteko aukera izan zuen; hoien artean, Idiazabal Gaztaren denboraldi berria aurkeztu eta gazta berria ebakitzeko ohorea izan zuten Tolosako AMA jatetxeko Javi Rivero eta Gorka Rico sukaldariak.

Eskertuta agertu ziren aitortzagatik eta, gazta moztu ostean, gazta berriak sukalde eta ekoizle belaunaldi berri eta gazteen indar bera zuela aipatu zuten. Entzun hemen beraiekin eginiko solasaldia.