Goierriko hitzako Arkaitz Apalategik, aste guztian paperean, baita online izango dituzten albisteen berri eman digu.

Giro petrala eta desatsegina ipar mendebaldeko haize zitala pixka bat mugituaz baina lainoak sareago direla ateri eta eguzkiaren agerraldiek apur bat alaituko dute giroa gutxi goxatuko den arren. Isobarak jita desegokian, haizea jita txarrean dezente mugituaz eta tenperatura behean, garaiari dagokiona galanki zapuztuaz. Garbi samar eta ateri mantentzea alde ona baina mendebaldetiko haize freskoak asko mikaztuko du dezente mugituaz. Badirudi egun batzuetan tankera berdintsua mantenduko duela.

Andoni Calvorekin EUROVISION jaialdiaren inguruan hitz egin dugu. Proban jarri gaitu eta Eurovision jaialdiko hainbat galdera egin dizkigu.

OSOA SUKALDARITZAko Vanessa izan da goizerokoan,  Salto Trainningeko Jurgi Fernandezekin. COVId 19a pairatu dutenei, kirola egitea komeni ote zaienaren inguruan hitz egin dugu.

Maiatzaren 18an nazioareko museoen nazioarteko eguna ospatuko da. Hori horrela Zumalakarregi museokoek programazio berezi bat prestatu dute. Xehetasun guztiak, museoko komunikazio arduraduna den Eider Arrutik azaldu dizkigu.

Lyme gaitza edo Lyme borreliosia gaixotasun infekzioso multisistemikoa da, Borrelia burgdorferi bakterioak eragindakoa, akainen edo kapazten bitartez transmititzen dena. Eritasunak larruazalari, nerbio-sistemari,   bihotzari  eta   artikulazioei eraso egiten die. Naiara Olague , gaixotasuna duen neska da eta bere testigantza kontatu digu.

SUSTATUko Luistxo Fernandezek albiste bitxi hauel ekarri dizkigu,Applek musika digitalaren alorrean egiten duena salatu du Europako Batasunak eta Albiste agregatzaile bat erosi du Twitterrek eta itxi egin du.

Gaur goizean ateriari eutsiko dio, baina arratsaldetik aurrera trumoiak euri dexente ekarriko dute. Tenperarturari dagokionez, 20ºren buelta ibiliko da.

Dezente hobetuko da gaur nora ezeko haize geldiaren hego ukituak eraginda. Baina ez da asko nabarmenduko hobekuntza hau haize geldi hori arratsaldean iparretik jarriko delarik eta iluntzean berriz ere euritara joko du freskatzeko joerarekin.  Beraz, gaur ere ez dugu eguraldi gustagarria izango.