Balenciaga museoko Zuriñe Abasolok museoaren 10. urteurrenaren ingurukoak ekarri dizkigu.

Gutxi aldatuko da eguraldiaren martxa mikatz puntua mantenduaz. Ipar haizearen kulpaz, tenperatura pixka bat beherago baina dotoreziak apur bat irabazi lainoak sareago direla eta oskarbi gehiagorekin, eguzkiaren agerralditxoekin. Horrela eguraldi politagoa baina giro petralagoa bat ere txartu gabe haizearen hego ukituaren falta nabarituko delarik. Bihar ere berdintsu baina hobea ate joka dela, asteburu bikaina bistan.

Iragarkilaburrak.euseko Sara Etxebestek , goierri inguruko iragarkiak aipatzeaz gain, blogean dituzten eduki interesgarriak aipatu dizkigu.

San Telmo Museoko Marilis Balenciagak, Betaurreko moreen zikloa aurkeztu digu.

Goierriko hitzako Ilaki Gurrutxagak astean zehar jorratuko dituzten gaien inguruan hitz egin dugu.

Gaur pixka bat aldatuko da eguraldiaren martxa kaskartzeko joera sumatuko zaiolarik, haizea ipar mendebaldera aldatu eta pixka bat mugituaz. Tenperatura ez da asko jaitsiko baina aurreko egunetako onaren mailak dezente galduko du, elementuak modu txarragoan direla. Giroa asko ez da txartuko, euria ere gutxi izango delarik baina laino narrasak arrastaka direla, dotoreziak asko galduko du eta giroa mikaztu ere bai. Egun batzuetan kaskar antzean baina txartu gabe.

Andoni Calvo kolaboratzaileak, zinemaldiko janzkeren ingurukoak bildu dizkigu baita Pedro Almodobarren bizitza ezagutu dugu.

Amaia Garcia zinema adituak, Donostiako zinemaldira begira jarri gaitu eta filmen errepasoa egiteaz gain, iritzi batzuk ere jaso ditugu.

Osoa sukaldaritzako Vanessa Balzque izan dugu goizerokoan gonbidatu eta Oianguko txiringitoaren amaiera festaren xehetasunak eman dizkigu.

Berdintsu jarraituko du eguraldiak edo zertxobait hobea elementuak modu onean direla. Hodei batzuk zeru sabaian bat ere trabarik egingo ez dutenak eta tenperatura zertxobait gorago lurralde guztian. Ipar ekialdeko haize leunarekin eguratsa garden eta tenperatura zertxobait gorago dela, bikain mantenduko da giroaren goxotasuna ateriari lurralde guztian eutsiko diolarik.  Dotorezi polita eta giro atseginarekin bikain abiatuko da udazkenean, gaua luzatzen joan arren. Iluntze aldera hodeiak apur bat trinkotuko dira baina ateriari eutsiko dio eta hego haizeak garbitu.