Gure kolaboratzaile saltseroena, Andoni Calvok, gaurkoan BenidormFestean izango diren artista eta abestien berri eman digu.

Goierriko sagardotegien irekiera adierazteko prentsaurrekoa egin dute gaurkoan Altzagako Olagi Sagardotegian. Bertan, Madrilen bizi den Nerea Garmendia aktore beasaindarra etorri da gonbidatu gisa.

Laureano Telleriak garai bateko kontuak ekarri dizkigu gogora.

Geuretik Sortuak proiektua jarri du martxan Udalbiltzak, Euskal Herriko udaletxe eta hautetsiak batzen dituen erakundeak. Euskaraz sortzen eta hedatzen den artea bultzatu nahi du; zehazki, euskaraz sortutako literatura, zinemagintza eta antzerkia sustatzea da proiektuaren helburua, eta, horretarako, sormen lanak egiteko egonaldiak antolatu ditu sortzaileentzat Euskal Herri osoko hainbat herritan.Koro Etxeberria, Udalbiltzako kideak xehetasunak eman dizkigu.

Iñaki Muruak Segregazio hitza abiapuntu hartuta solasaldi ederra egin digu.

Tatiana Carmona Lopez Seguran bizi den Barakaldokoak bere euskalduntze bidea kontatu digu besteak beste.

Urte berrian ere etorri zaizkigu Segurako Laiotz Herri Eskolako haurrak, ahozkotasuna eta komunikazioa lantzeko egiten dugun saiora. Gaur, Beñat, Bidatz eta Irati etorri zaizkigu.

Urtarrilaren 13an, Ordiziko herri antzokian AMA-ALU -LUR ikuskizuna eskeiniko dute. Ikuskizunaren xehetasun guztiak May Gorostiagak eman dizkigu,

Hobetze alderako joera nabarmenduko zaio. Lainoak saretuaz, ateria seguru eta dotoreziak asko irabaziko du baina tenperaturari beherako joera sumatuko zaionez hotz puntu horrek dezente mikaztuko du giroa, nahiz eta haize leuna ipar ekialdetik ia geldi sumatuko den.

Gorka Lizasok kantu ederra sortu digu, oso ezaguna den marrazki bizidunen doinu batekin. Honakoak izan dira abestia sortzeko guk proposatu dizkiogun hitzak: 2022, urte berri on, aldapan gora, itxaropena, Omicron-Deltacron-Doraemon.