euskara ikasi berria duen Greziako Nektaria Konstantellou izan dugu gaur gonbidatu

Pausoka ekoiztetxeko, gerentea den Itziar Zeberio Ordiziarrarekin egin dugu hitz ordua Goizerokoan, izan ere, ostiral honetan IRABAZI ARTE, telesaila estreinatuko dute ETB1n gaueko 21.00etan. Telesailaren xehetasun guztiak jaso ditugu Itziarren eskutik.

Gaur erabat garbi eta epeltzeko joera nabarmenduko zaio eguraldiari hego haizea zertxobait  mugituaz. Horrela sekulako on maila sumatuko zaio eguraldiari udaberri itxura galantarekin, tenperaturak eta dotoreziak irabaziaz.  eRabat garbi eta goxo.  

Kontziliazio erantzunkizuna eta Beasaingo HERRILAB3B proiektu pilotoaren inguruan hitz egin dugu gaur Gipuzkoako Foru Aldundiko emakume eta gizonen berdintasunerako zuzendaria den Miren Elgarrestarekin eta Beasaingo alkate den Leire Artolarekin. Duela aste bete jarri zen martxan proiektu pilotoa Beasainen, eta Ekilore belardendako Amaia Sorazu merkatariaren eta Murumendi ikastetxeko ikasketa buru den Arrate Leundaren testigantzak jaso ditugu.

Gorka Lizasok beste kanta bat sortu digu. Gaurko hitzak honako hauek izan dira: Musukoa, Ryan, Zaldibar eta Otsailak 13 (Irratiaren Nazioarteko Eguna)

Ekimena Psikopedagogia zentrotik Idoia Apaolazarekin bat egin dugu eta hau izan da gaurko gaia: “Gaizki marrazten dut eta zer?”.

Marisa Barrena gure kolaboratzaileak , gaurkoan euskal emakumeak ezagutara eman dizkigu eta baita Durangaldean San Blasetan duten ohitura baten berri eman digu.

Oskia Garaialde Zeberio Segurarrak, Landaolaren ‘Landa emakumeak eta bizikidetza’ sormen lehiaketara aurkeztu eta bigarren saria irabazi duzu 25-55 urte arteko mailan eta honen berri emateko Goizerokoa saiora gonbidatu dugu.

GITBko Ainhoa Ibañezekin astean zehar ikusgai egongo diren edukien berri jakin dugu.

Fronte txiki baten narraskeriak izango ditu gaur eguraldiak lainotzarrak arrastaka direla, giro umela eta ateriari eutsi ezinean dela. Haizeak ipar mendebaldetik pixka bat mugituaz, apur bat mikaztuko du giroa baina txartu gabe antizikloiaren esparruan aurkituko delarik lurralde hau eta on aldi bikainaren atarian dela, negu giroa ez baina on mailari eutsi ezinean bai. Tenperatura atzoko moduan dela, giro jasangarria eta bihartik hobetze joeran haizearen hego ukituarekin.