Sin Mala Intención taldeko Gorka Lizasok gaurkoan beste abesti bat sortu du- Gaurko hitzak hauek ziren: Udaberria, Ordu aldaketa, greba, “Sin mala intención” martxoak 25 Bilbon.

Gaur zertxobait galduko du onaren mailak baina txartu ez da asko egingo. Elementuak orokorrean modu onean direla, zeru sabaiko hodei horiek apur bat zikinduko dute. Tenperaturaren galera txiki horrek ez du giroa asko mikaztuko eta joera aldaketarik ere ez du suposatuko. Beraz, galera pixka bat bai batez ere Euskal Herriaren hegoaldean, euri giroan, lardaskeriarekin bazterrak busti mantenduz. Baina aldaketa txiki hau gaurko kontua bakarrik izango da.   

Gaur ere ez da aldatuko eguraldiaren izaera eta joera, elementuak modu onean direla, giro goxo eta atsegina izanez batez ere ipar partean. Hegoaldean hodeiak trinkoago euri zipriztinak barreiatzeko mehatxuarekin baina oso gutxi izango da botatzekotan. Hegoaldean kostaldean baino zikinago eta freskoago. Hego haizearen efektu berezi horrek asko goxatuko du ipar parteko giroa batez ere kostaldean epeltasuna eta garbitasuna nabarmenduaz.   

Edorta Unamunorekin, Urdaibai Bird Centerrean martxan duten arrano arrantzalearen proiektua gertutik ezagutu dugu. Honekin batera, Landa eta Roy, arrano arrantzaleen berri eman digu.

Marisa barrena, wikilaria, euskaltzalea eta feministarekin izan gara. Gaurkoan lau emakume ezagutu ditugu; Sara Soto (bizkaitar margolari eta musikagilea), Miren Roji (musika irakaslea eta piano-jotzailea), Ainhoa Murua (ikertzaile biokimikaria) eta Maryse Choisy (kazetari eta saiakeragilea).

GITBko Ainhoa Ibañezekin, astean zehar izango dituzten edukien inguruan aritu gara hizketan.

Eurovision 2022a gerturatzen ari den honetan, azken abestiak eta hauen inguruko berriak ezagutu ditugu Andoni Calvoren eskutik.

“El acontecimiento”, “El despertar de Nora” eta “La última pelicula” izan dira gaurkoan Amaia Gartziak, gure zinema adituak aurkeztu dizkigun filmak.