Ekimena Psikopedagogia-ko Idoia Apaolazarekin izan gara. Gaurkoan autismoaren inguruan hitz egin dugu.

“Sin mala intención” musika taldeko Gorka Lizasok gaurkoan beste abesti bat ekarri digu. Gaurko hitzak hauek izan dira: “Segura Irratia 66 urte”, “KORRIKA”, “Will Smith” eta “aste santuko oporrak”

GITBko Ainhoa Ibañezekin izan gara, GITB -koek, ostiralean eta igandean, jarraipen zuzena egingo diote 2022ko KORRIKARI.

Orain dela 15 egun “Etxeko dokumentazio antolaketa digitala” -ren gai lantzen hasi ginen eta gaurkoan azkeneko lau puntuak aztertu ditugu TxukuntZeneko Maitane Ormazabal Larzabalekin.

Gaurkoan Amaia Gartziak beste hiru gomendio eskarri dizkigu: “Mass“, “Para Chiara” eta “Sisters with Transistors” (FIlminen ikusgai dagoen dokumentala).

Chernobil Elkarteko Olatz Linazasororekin hitz egin dugu; bera harrera familia izandakoa da ta egun Ukrainiako haurrak bizi duten egoera, Euskal Herrira iritsitako lehen errefuxiatu eta hauen inguruko egoeraren berri eman digu.
Etxera urteetan etorri izan den Angelicaren kasua ere aipatu digu; bere 12 urteko ahizpa berarekin ekartzea lortu du eta zeinen une gogor eta latzak igaro dituzten ere azaldu digu.

Elkarteak ekintza eta kanpaina solidario ugari jarri ditu martxan, hoien artean diru bilketa handi bat; lortzen den guztiarekin, besteak beste, Ukrainiako hainbat hiri eta zonaldeetara ezinbesteko elikagai, arropa eta sendagaiak bertara helarazi ahal izateko.

Entzun hemen berarekin egin dugun solasaldia.

Gaurkoan Luistxo Fernandezek, datorren apirilaren 10ean, Donostian Korrikaren amaierako ekitaldien artean, EITBk antulatu duen hurrengo ekintzaren berri eman digu.
13.30etan, Bulebarreko kioskotik, Egunean Behin-eko flash partida azkar bat egingo da, bertaratzen direnekin jokatzeko; Donostiako Bulebarrean bertan daudenek, instrukzioak bertantxe jasoko dituzte partidara sartzeko. Baina aldiberekoa eta bakarra izango da, 3 txandatan, 30 galdera, denak berdinak aldi berean jokalarientzat.

Horrez gain, “Irabazi Arte” app gisako komiki interaktiboa eta  UEUk, bere 50. urteurrenaren eta Korrika Kulturularen aitzakia bikoitzarekin, Eibarren antolatu zuen zientzia-bakarrizketen Barredromoa ekitaldian adimen artifizialaren alorrean eginiko esperimentu txikiaren inguruan ere hitz egin digu.

Laiotz Herri Eskolako haurrak izan ditugu Goizerokoan, ahozkotasuna eta komunikazioa lantzeko saioan. Gaur , kazetari bihurtu ditugu eta Bidatz, Irati eta Beñatek “Aizkorrira Txangoa” erreportajea aurkeztu digute.

Gaur dezente sumatuko zaio kaskartzeko joera zerua estalia eta ateriari eutsi ezinean dela. Haizea ere ipar mendebaldetik jarriaz asko petralduko da giroa dezente mikaztuaz. Eta hurrengo egunetarako ere itxura kaskarra sumatuko zaio isobarak jita txarrean direla.