Segurako Udaleko kultur teknikaria den Josune Arrondo eta kultur zinegotzia den Egoitz Apaolaza izan dira gaurkoan gurean, ate joka ditugun 2022ko San Joan jaien egitarauaren berri emateko.

Jaietako egitaraua osatzerako orduan, herritarren parte-hartzea ezinbesteko dela azpimarratu dute; giro alaiaz gozatzea eta errespetuz eta zentzuz jokatzea ere eskatu dute.

2022ko Ehunmilak lasterketarako atzera kontaketa martxan da jada.

Antolatzaile taldeko kide eta lasterketa zuzendaria den Andoni Zubeldiak, azken prestaketen inguruan eta aurtengo lasterketetan parte hartuko duten lasterkarien eta bolondres taldeetan arituko diren inguruan hitz egin digu.

Gaurkoan, Amesgile Argitaletxea ko Betzaida Urtazak, argitaratu berri duen “Plastiko gehiagorik ez!” bere azken ipuina aurkeztu digu.

Haurrei itsaso eta ozeanoen zaintzearen garrantziaz jabetzea du helburu, eta plastikoak gaizki erabiltzeak eta hauen itsas hondoetako pilatzeak bertako ekosistemari eragindako kalteaz ohartarazi nahi du ere.

Udaberriko azken orduak giro goibelarekin eman ditugu eta udako lehen orduetarako ere giro berbera espero dugula aipatu digu Joxe Landak.
Hala ere, estreinatu berri dugun uda sasoirako, egun argitsu ta eguzkitsuak izango ditugula ere iragarri digu.

Urdaibai Bird Centerreko Edorta Unamunok gaurko saioan hegaztiek nola jasatzen dute bero hauek kontatu digu.

Andoni Calvok beste behin ere Disneyra eraman gaitu, baina oraingoan urteetan modu ez-ofizialean egin den desfile bati buruz hitz egiteko.

Aurten, azkenean, egundoko festa antolatu dute bertan: “Magic Pride” LGTBI Harrotasunaren Lehen desfile ofiziala behar den bezala ospatatu dutelako.

Gaurkoan Amaia Garcia zinema adituarekin, ikasturteko azken tartea egin dugu; uda bikain bat igaroko duelakoan gaude, zinemako estreinaldi, telesail eta laburmetrai bikainenekin gozatuko duelako ere noski.

Ezagutu nahi dituzue gaurkoan gomendatu dizkigunak? Entzun hemen 😉

Bertako elikagaien ekoizpena bultzatzeko Itsason egin izan diren ekitaldi eta jarduerak anitzak izan dira orain arte, hauen artean aurreko urtean lehenengoz, Bertako Produktuen Jardunaldia ospatu zutelarik. Egun honek izan zuen harrera ikusita bigarrena antolatzeari ekin diote Itsasoarrek

Gaurkoan gurean, Itsasoko Batzordeko ordezkari eta ekoizle den Gorka Sasietak, biharko jardunaldiaren nondik norakoak azaldu dizkigu.

Sin Mala Intención Taldeko Gorka Lizasok beste kanta bat sotu du 4 hitzekin. HItzak hauek izan dira; Prezioen garestitzea, udako parrandak/festak, alerta horia/laranja eta badator uda!.

LAIOTZ HERRI ESKOLAKO haurrak izan ditugu ahozkotasuna eta komunikazioa lantzeko egiten dugun irratsaioan. Gaurkoan, Sugar, Libe eta Haizea izan ditugu “Goizerokoan”.