Gaur pixka bat narrastuko da haizeak hegotik suabe joko duen arren. Goi geruzetako hodeiak trinkoagoak ekarriko ditu euri zaparradatxoak barreiatuaz. Trumoitsuak izan daitezke erauntsi horiek ater uneekin. Haizeak hegotik jarraituko du bareago eta tenperatura beherago baina asko jaitsi gabe, giroak goxo puntua dezentez mantenduko duelarik. Horrela gaur kaskartze aldera abiatu eta hurrengo egunetan gehiago nabarmenduko da joera hori.

Igandean, apirilaren 10 Donostian amaitu zen 2022ko KORRIKA. Gaurkoan Gurekin Goierriko kordinatzailea izan den Aitor Aguado izan dugu haurtengo korrikaren balorazioa kontatzeko.

Amaia Garcia gure zinema adituak, asteburu honetarako eta Aste Santuko opor egunetarako, zinema aretoetan ikusgai izango ditugun filmen hautaketa eta hauen inguruko xehetasunak aipatu dizkigu.

Korrikaren 22. edizio honek Pirritx, Porrotx eta Marimotots pailazoak omendu ditu.
Aiora Zulaika, Joxe Mari Agirretxe eta Mertxe Rodriguez (Pirritx, Porrotx eta Marimotots) osaturiko pailazo taldea 34 urte dabil Euskal Herriko plaza eta agertokiak alaitzen; ibilbide horretan, eta bestelako baloreren artean, euskararen transmisioa landu dute bereziki
Ekitaldia pasaden urtarrilaren 7an izan zen, bainan gaur gurean, egun hortako bizipenen eta gaur beraien herrian Lasarten lekukoa hartu eta gozatu eta bizi izan dutenaren inguruan hitz egite digute Porrotxek eta Marimototsek. Bejondeiela!!  (@AEK_eus-ko argazkiak)

Gaurkoan gurean, Ordiziako berdintasun zinegotzia den Ainhoa Jimenezen eskutik, Emakumeen Jabekuntza Eskolako nondik norakoak ezagutu ditugu.

Laureano Telleriak atzoko eta gaurko kontuak ekarri dizkigu; Elizako jantziak, ilargien kontuak, jai erlijiosoak,.. eta askoz gehiago.

Egun hauetan epeltzeko joera mantenduko da. Udaberrian gaude, bainan uda giroa izango dugu hurrengo egunetan. Kostaldean tenperaturak epelagoak izango dira hegoa haizearen ondorioz.

Sustatuko Luistxo fernandezekin izan gara eta hauek izan dira aipatu dizkigun albisteak:”Ikurrinak biziraun zuen r/Place-eko eromenean, azken suntsiketaren aurretik”, “Wikitribia, beste joko bat euskaraz, kronogramak ordenatzekoa” eta “Aita Santuak ‘Miñan’ liburua gomendatu du, Ibrahima Balderen bizipenak, Amets Arzallusek idatziak”

Eureka Zientzia Museoko Larraitz Etxeberriarekin, “malkoen” inguruan hitz egin dugu; zer dira eta zertarako balio dute?, nolakoak dira?, malko guztiak berdina al dira?,..

Marisa Barrena wikilariak, lau emakume aipatu dizkigu bere saioan:  Maria Luisa Ozaita (barakaldar musikagilea), Maria Dolores Arana (gaztelaniazko idazle zumaiarra), Nerea Iriarte (telebista aurkezlea eta kazetaria), Leire Narbaiza (gipuzkoar euskara irakasle, euskalgintzako militante, feminista, blogari eta hedabideetako iritzi-emalea).