Laiotz Herri Eskolako haurrak izan ditugu Goizerokoan, ahozkotasuna eta komunikazioa lantzeko saioan. Gaur , kazetari bihurtu dira Eneko, Ane eta Imad, Josu Ormazabal suhiltzaileari elkarrizketa bat egin diote.

Atzoko tankerari bete-betean eutsiaz bero puntua zertxobait areagotuta udaberri giro bikaina mantenduko da gaur ere elementuak modu onean direla. Atlantikoko borraska muturrari esker bikain portatuko da eguraldia beroa protagonista dela eta dotorezia osagarri eguzkia bistan dela. Beraz, kontuz eguzkiarekin, Maiatzeko opari bikain honetan modu berezian portatuko delarik.

Miatazaren 18an Museoaren Nazioarteko Eguna ospatuko da eta San Telmo Museoan hainbat ekitaldi antolatu dituzte, hauek aurkezteko gurekin izan da Agurtzane Garai  San Telmo Museoko Bitartekaritza Arduraduna.

Maiatzaren 22an Iñaki Beitia Mendi Martxaren 24. edizioa ospatuko da. Informazio guztia Jon Mikelek azaldu digu, Iñaki Beitia Mendi Martxaren antolakuntzako kidea.

Sin Mala Intención Taldeko kidea den Gorka Lizaso beste kanta bat sortu du gaurko saiorako. Aste honetako gaiak/hitzak hauek izan dira: “LGTB Fobiaren Aurkako Nazioarteko Eguna” eta “Eurovision”.

Ez da ia bat ere aldatuko eguraldiaren izaera elementuak modu berdintsuan direla. Iparraldeko borraskaren muturra Atlantikoan dela Euskal Herri guztian on maila modu onean mantentzea bermatuko du. Hego ukituko haize leun horrek goxo mantenduko du lurralde hau eguzkia bistan dela laguntza estimatua izango delarik. Udaberri giro petoa mantenduaz, tenperatura goian eta dotorezi politarekin zeharo ona egun guztian.  

Udaberria giroan murgilduta daude Urdaibai Bird Centerren. Gaurko saioan, alde batetik, aurreko astean Hegazti migratzaileen mundu mailako eguna ospatu zutela, habia-kutxen proeiktua, zikoinen eta ugal aldiariaren inguruan hitz egin digu Edorta Unamunok eta bestetik, hegaztien eguneroko bizitzan eguraldia bezalako fenomenoek nola eragiten duten ugal-aldian ere aipatu digu..

Marisa Barrena wikilariak, bost emakume aipatu dizkigu garko saioan: Maritxu Zagala (Tolosa), Kotxepin Bengoetxea Etxebarria (Lemoa), María Rosa Aierbe Iribar (historialaria eta unibertsitateko irakaslea), Izaro Avellas Sanchez (Ordizia) eta hil berria den Miren Jone Azurza kazetaria.

Bihar Eurovision Jaialdiaren Finala ospatuko da Turinen eta gure kolaboratzailea den Andoni Calvok Turinen bidean dago. Aeroportuan harrapatu dugu eta zuzenean izan da gurekin Eurovision Jaialdiaren azken berriak emateko, baita bere TOP 5 -a zein den kontatzeko ere.