Berdintsu jarraituko du ipar mendebaldeko haizea dezente mugituaz. Laino narrasak barreiatuko ditu ipar isuri aldean euri lardatsa dariela eta tenperatura behe samarrean dela, negu giroaren tankera mantenduko du eguraldi amorragarriarekin.

Laiotz Herri eskolako haurrak etorri zaizkigu ahozkotasuna eta komunikazioa lantzeko egiten dugun irratsaiora. Gaur Zuhatz eta Maddi izan dira eta 200urte dituzten objetuak erakutsi dizkiegu.

Yogurinha Borovak GEHITU elkartearekin elkarlanean egindako abestiak aurkeztu dizkigu.”BIZITZA DA GORPUTZA ETA ASKATASUNA BIHOTZA” , “AUSARTEN KLUBA”, “EMAKUMEA”. “MERI, MARI ETA LARI” haurren ikuskizunari buruz ere hitz egin dugu berarekin.

SUSTRAI FRUTA DENDAKO ALBERTO VESGArekin,orburu, zainzuri zuria eta marrubien inguruan aritu zaigu hizketan.

Goitur-eko kide diren sagardotegien irekiera adierazteko prentsaurrekoa egin da .

EITBko BASERRIA lehiaketan parte hartu du Joxe Etxezarreta Segurarrak. Lan ederra egin du bertan eta bertako kontakizunak kontatu dizkigu .

30.000 litro esne bildu ditu Zaporeak elkarteak Gipuzkoan eta aste honetan bertan garraiatuko dute Lesboseko Kara Tepe kanpalekuraino

Kaskarkeria areagotu egingo da ipar mendebaldeko haizea mugituaz. Kostaldean laino baxu trinkoagoak barreiatuko ditu euri lardatsa dariela baina pixka bat barrukaldeago gehiago nabarmenduko da kaskarkeria hau. Agian mendi puntak zuritu ere bai negu giroa nabarmenduaz. Gainera haize zital horrek asko mikaztuko du giroa batez ere ipar isuri aldean. Tankera txarra sumatzen zaio gerorako ere. Europa aldeko depresioek modu txarrean harrapatuko dute lurralde hau negu giroa nabarmenduaz.

Kaskarkeria apur bat gutxituaz, gaur pixka bat hobea baina ez da asko nabarmenduko ipar haize zitalak laino baxuak arrastaka ekarriz. Giro umela eta hezea batez ere ipar isurialdean. Hegoaldean zertxobait hobea, ostarteak nagusi direla. Isobaren mugimendu txiki batek eragindako aldaketatxoa izango da gaurko hau baina bihar berriro ere kaskartze aldera egingo du. Ipar haizea mugitu, euri lanbroa barreiatuaz lainoak trinkoago eta tenperatura beherago direla, giroa dezente mikaztuko da. Hurrengo egunetan joera hori mantenduko du.