2021-05-11 EGURALDIA/JOXE LANDA

Beste pauso bat emango du kaskartze aldera tenperatura beste pixka bat jaitsiaz eta zaparrada potoloak trumoi eta guzti. Horrela grazia gutxiko eguraldia, giro busti eta freskoarekin, bazterrak dezente bustiaz. Ongi etorria euriari baina ez zaigu bat ere gustatuko freskatze hau Maiatzaren erdirako deserosoa dirudielako. Badirudi bihar zertxobait hobea izango dela, tenperatura pixka bat gorago eta ateri gehiagorekin. Baina astean zehar kaskarkeriarako joera mantenduko da.